جمیعت علما اسلام (جے یو آئی) ف کے سربراہ مولانا فضل الرحمان لندن پہنچ گئے ہیں، پارٹی رہنماؤں کے مطابق مولانا فضل الرحمان کی نجی دورے میں مختلف ملاقاتیں ہوں گی۔
میڈیا رپورٹس کے مطابق مولانا فضل الرحمان پارٹی رہنماؤں راشد سومرو اور مفتی ابرار کے ہمراہ لندن کے ہیتھرو ایئرپورٹ پہنچے، جہاں انہیں پاکستانی ہائی کمشنر ڈاکٹر محمد فیصل نے خوش آمدید کہا۔
ہیتھرو ایئرپورٹ پر جمعیت علمائے اسلام برطانیہ کے مفتی خالد محمود سمیت دیگر پارٹی عہدیداران بھی استقبال کے لیے موجود تھے، پارٹی ذرائع کے مطابق مولانا فضل الرحمان برطانیہ میں 10 روز قیام کریں گے۔
واضح رہے کہ رہنما پی ٹی آئی اسد قیصر اور مولانا فضل الرحمان کے درمیان ملاقات میں پارلیمنٹ میں پہلے سے قائم کمیٹیوں کو فعال کرنے پر اتفاق کرتے ہوئے حکومت کے خلاف مشترکہ تحریک لانے پر بھی بات چیت کی گئی۔
میڈیا رپورٹس کے مطابق مولانا فضل الرحمان کی بیرون ملک دورے سے واپسی کے بعد سرگرمیاں تیز کرنے پر اتفاق کیا گیا تھا، اسد قیصر نے انہیں عمران خان سمیت اور پی ٹی آئی کی اعلیٰ قیادت سے مشاورت کے بعد صورتحال سے آگاہ کرنے کی یقین دہانی کرائی تھی۔
