نوتعینات چیف جسٹس آف پاکستان جسٹس یحییٰ آفریدی کی مقدمات کی تعداد کم کرنے کے لیے پالیسی کے ثمرات آنا شروع ہوگئے۔
سپریم کورٹ نے گزشتہ ایک ہفتے میں دائر اور نمٹائے جانے والے مقدمات کی تفصیلات جاری کی ہیں۔
یہ بھی پڑھیں انسداد دہشتگردی کے 2273 مقدمات زیر التوا، چیف جسٹس کی ججز کو فوری انصاف کی فراہمی کی ہدایت
سپریم کورٹ میں کیسز کی 5 نومبر تک کی تفصیلات جاری کی گئی ہیں، جس کے مطابق ایک ہفتے میں 302 مقدمات دائر ہوئے جبکہ کل 679 مقدمات کی سماعت کی گئی۔
رپورٹ کے مطابق صرف ایک ہفتے میں 377 مقدمات نمٹائے گئے، 5 نومبر کے روز 38 مقدمات دائر ہوئے جبکہ کل 220 مقدمات نمٹائے گئے۔
یہ بھی پڑھیں سپریم کورٹ: 97 ارب روپے کے زیر التوا ٹیکس مقدمات فوری نمٹانے کے لیے اقدامات کا آغاز
رپورٹ کے مطابق سپریم کورٹ میں اب زیر التوا مقدمات کی تعداد کم ہو کر 59 ہزار 435 رہ گئی ہے، اس سے قبل زیرالتوا مقدمات کی تعداد 59 ہزار 782 تھی۔
