فہد مصطفیٰ کا شمار اس وقت ملک کے سب سے مقبول اداکاروں میں ہوتا ہے، ’کبھی میں کبھی تم‘ کے ذریعے ٹیلی ویژن پر اپنی واپسی کے ساتھ فہد مصطفیٰ ایک بار پھر مداحوں کے دلوں پر راج کررہے ہیں۔
یہ بھی پڑھیں: فہد مصطفیٰ کے والد انہیں بریانی کا کاروبار کیوں کھول کر دے رہے تھے؟
مداح اس انتظار میں ہیں کہ اداکار کی طرف سے کیا آگے آئے گا، اس سے قبل اداکار ہر پیر اور منگل کو ٹیلی ویژن اسکرینوں پر آتے تھے اور سامعین پورا ہفتہ ان کا انتظار کرتے تھے۔
View this post on Instagram
’کبھی میں کبھی تم‘ کی آخری قسط کے بعد آج پہلا مَنڈے ہے تو ایسے میں فہد مصطفیٰ نے مصطفیٰ اور شرجینا کے کچن سے ایک تصویر شیئر کی اور اپنے مداحوں کو یاد دلایا کہ وہ اس پیر کو ان سے ملنے نہیں آئیں گے۔
یہ بھی پڑھیں: عتیقہ اوڈھو نے فہد مصطفیٰ کی ماں کا کردار کرنے کی پیشکش کیوں ٹھکرائی؟
مداحوں نے اسٹار کے لیے اپنی محبت کا اظہار کرتے ہوئے کہا کہ وہ ان کی کمی ضرور محسوس کریں گے۔’آج مَنڈے ہے اور آج ہم نہیں آئیں گے، انتظار مت کرنا۔‘
