موسم سرما کے لیے گیس کی فراہمی کے شیڈول کا اعلان

سوئی ناردرن گیس پائپ لائنز لمیٹڈ نے صارفین کے لیے گیس کے مستقل دباؤ کو برقرار رکھنے کے لیے آئندہ موسم سرما کے لیے گیس کی فراہمی کا نیا شیڈول متعارف کرادیا۔

یہ بھی پڑھیں: گیس بلوں میں اضافی سیکیورٹی ڈیپازٹ کیا ہے؟

اس نظرثانی شدہ شیڈول کا مقصد گھرانوں کو اپنے کھانا پکانے اور روزمرہ کے معمولات کی بہتر منصوبہ بندی کرنے میں مدد کرنا ہے۔

نیا ٹائم ٹیبل ہر 3 تین مخصوص ٹائم سلاٹس کے دوران فل پریشر گیس کی فراہمی کو یقینی بناتا ہے۔

گیس کی فراہمی کا شیڈول

نئے پلان کے تحت صارفین کو درج ذیل گھنٹوں کے دوران گیس تک رسائی حاصل ہو گی۔

 صبح 6:00 بجے سے صبح 9:00 بجے تک ناشتے کے لیے

دوپہر کے کھانے کے لیے دن 12 بجے سے دن کے 2 بجے تک

رات کے کھانے کے لیے شام 6 بجے سے رات 9 بجے تک

مزید پڑھیے: خیبرپختونخوا میں سالانہ کتنے ارب روپے کی گیس چوری ہوتی ہے؟

ایس این جی پی ایل کے عہدیداروں نے وضاحت کی کہ یہ اوقات سرد مہینوں میں گھریلو ضروریات کو پورا کرنے کے لیے حکومتی رہنما خطوط کے مطابق مقرر کیے گئے تھے۔

انہوں نے صارفین کو یقین دلایا کہ تمام سروس والے علاقوں میں ان مقررہ مدت کے اندر گیس پورے پریشر پر فراہم کی جائے گی۔

سوئی ناردرن گیس پائپ لائنز لمیٹڈ کی جانب سے پنجاب، خیبرپختونخوا اور پاکستان کے دیگر خطوں میں 7.22 ملین سے زائد صارفین کو گیس فراہم کی جاتی ہے۔