وزیراعلیٰ پنجاب مریم نواز شریف نے کہا ہےکہ پی ٹی آئی غلط کام کرے گی تو گرفتاریاں ہوں گی، سروے کے مطابق عمران خان کی فتنہ و انتشار تحریک کا گراف نیچے جبکہ ن لیگ کی مقبولیت میں اضافہ ہورہا ہے۔
یہ بھی پڑھیں:ملک سے فتنہ پارٹی کا خاتمہ ہورہا ہے، مریم نواز کی پی ٹی آئی پر تنقید
لندن میں گزشتہ روز پریس کانفرنس میں مریم نواز کا کہنا تھا کہ حالیہ سروے کے مطابق ن لیگ کا گراف اوپر جا رہا ہے جبکہ فتنہ و انتشار تحریک غیر مقبول ہوتی جارہی ہے۔
وزیر اعلیٰ پنجاب کے مطابق پنجاب میں اسموگ کا مسئلہ گزشتہ کئی برسوں میں سنگین ہوتا جارہا ہے، جس کے خاتمے کے لیے اقدامات کررہے ہیں، بھٹے کے کالے دھوئیں اور دھواں چھوڑنے والی گاڑیوں کو کنٹرول کیا جارہا ہے۔
مزید پڑھیں:‘مجھے کینسر نہیں ہے’، مریم نواز کو کونسی بیماری ہے انہوں نے خود بتادیا
مریم نواز شریف کے مطابق کسانوں کو زرعی باقیات تلف کرنے سے باز رکھنے کی غرض سے ترغیبات دی جارہی ہیں، تاہم انسانی صحت کو خطرات سے دوچار کرنے والے اس مسئلہ کو مکمل طور پر حل کرنے میں مزید کئی برس درکار ہوں گے۔
