ترک صدر رجب طیب اردوان نے کہا ہے کہ انہوں نے اسرائیلی صدر کو آذربائیجان میں منعقدہ کلائمیٹ ایکشن سربراہی اجلاس میں شرکت کے لیے اپنی فضائی حدود استعمال کرنے کی اجازت نہیں دی۔
میڈیا رپورٹس کے مطابق ترک صدر رجب طیب اردوان نے برازیل میں جی20 سمٹ کے دوران میڈیا سے گفتگو کرتے ہوئے کہا کہ ہم نے اسرائیلی صدر کو کوپ سربراہی اجلاس میں شرکت کے لیے اپنی فضائی حدود استعمال کرنے کی اجازت نہیں دی۔
یہ بھی پڑھیں:اسرائیلی شہری ترکیہ کے صدر رجب طیب اردوان سے مدد مانگنے پر مجبور
ترک صدر کے مطابق ترکیہ نے اسرائیل کو متبادل راستے اور دیگر آپشنز تجویز کیے تھے، واضح رہے کہ اسرائیل کے صدر اسحاق ہرزوگ نے اپنا آذربائیجان کا دورہ منسوخ کر دیا تھا۔
اسرائیلی ایوان صدر نے ایک بیان میں کہا تھا کہ ’صورتحال کے جائزے اور سکیورٹی وجوہات کی بنا پر صدر نے آذربائیجان میں کلائمیٹ کانفرنس کے لیے اپنا دورہ منسوخ کرنے کا فیصلہ کیا ہے‘۔
مزید پڑھیں: تل ابیب میں ترک پرچم سرنگوں کرنے پر اسرائیل سیخ پا، نائب سفیر کو طلب کرلیا
ترک صدررجب طیب اردوان کا کہنا تھا کہ کچھ معاملات پر بطورترک قوم ہم ایک مؤقف اختیار کرنے پر مجبور ہیں اور ہم ایسا کرتے رہیں گے۔
