آرمی چیف سید عاصم منیر نے دورہ پشاور کے دوران دہشتگردی سے نمٹنے کے لیے قوم اور اس کی سیکیورٹی فورسز کے اجتماعی عزم کو اجاگر کرتے ہوئے کہا کہ دشمن عناصر کے مذموم عزائم کو ناکام بنانا اولین ترجیح ہے۔
آرمی چیف نے یقین دلایا کہ وقت ساز اور مضبوط آپریشنز کے ذریعے، پاک فوج قانون نافذ کرنے والے اداروں کے ساتھ مل کر دیرپا استحکام اور سلامتی کو یقینی بنانے کے لیے فوج امن کے دشمنوں کا شکار کرت گی۔
مزید پڑھیں: آرمی چیف نے علی امین سے کہا آپ کو انتشار پھیلانے کی اجازت نہیں دی جاسکتی، خواجہ آصف کا دعویٰ
شہدا اور غازیوں کو خراج تحسین پیش کرتے ہوئے آرمی چیف سید عاصم منیر نے مادر وطن کے دفاع کے لیے دی جانے والی بے مثال قربانیوں پر زور دیا۔ انہوں نے کہا کہ یہ قربانیاں مسلح افواج اور قانون نافذ کرنے والے اداروں کی قومی لچک، متاثر کن اور غیر متزلزل لگن کی بنیاد ہیں۔
آرمی چیف نے ہر قسم کے خطرات کا مؤثر طریقے سے مقابلہ کرنے کے لیے فوجیوں کے بلند حوصلے، آپریشنل تیاری اور غیرمتزلزل عزم کو سراہا۔ انہوں نے دشمن نیٹ ورکس کو ختم کرنے اور قومی سلامتی کو نقصان پہنچانے والے غیر قانونی اسپیکٹرم کو ختم کرنے کے لیے فوج کے پختہ عزم کا اعادہ کیا۔
یہ بھی پڑھیں: آرمی چیف کا کراچی میں عالمی دفاعی نمائش آئیڈیاز 2024 کا دورہ، غیرملکی فوجی حکام سے تبادلہ خیال
واضح رہے آرمی چیف جنرل سید عاصم منیر نے آج پشاور کا دورہ کیا، ان کا دورہ 19نومبر کو ہونے والی ایپکس کمیٹی کے تناظر میں تھا۔ جہاں ان کو موجودہ سیکیورٹی صورتحال اور خطے میں جاری انسداد دہشتگردی آپریشنز کی پیشرفت پر ایک جامع بریفنگ دی گئی۔
اس موقع پر وزیراعلیٰ خیبرپختونخوا علی امین گنڈاپور اور فیلڈ کمانڈرز بھی موجود تھے۔ چیف آف آرمی اسٹاف کی آمد پر کور کمانڈر پشاور نے ان کا استقبال کیا۔
