صوبہ خیبر پختونخوا کے مشیراطلاعات بیرسٹر محمد علی سیف نے ایک بیان میں کہا ہے کہ اسلام آباد کا ملک کے دیگر شہروں سے رابطہ منقطع ہے۔حکومت نے اسلام آباد سیل کر کے احتجاج کی کامیابی پر مہر لگا دی۔
یہ بھی پڑھیں:24نومبر احتجاج: مارچ ہر صورت ہو گا، بشریٰ بی بی خود ماینٹرنگ کریں گی، پشاور میں پارٹی قیادت کا بڑا فیصلہ
بیرسٹر سیف کا کہنا ہے کہ حکومت بچانے کے لیے پاکستان کو بند کر دیا گیا ہے۔ انہوں نے مطالبہ کیا ہے کہ حکومت عوام کی زندگی اجیرن کرنے کے بجائے عوام کا حق واپس کرے۔
واضح رہے کہ آج 24 نومبر کو پی ٹی آئی کے ممکنہ احتجاج کے پیشِ نظر اسلام آباد شہر کے داخلی اور خارجی راستوں پر پولیس تعینات کر دی گئی ہے۔ اس کے علاوہ اسلام آباد اور راولپنڈی کو ملانے والا مرکزی راستہ فیض آباد انٹرچینج بھی بند کر دیا گیا ہے۔
اسلام آباد اور راولپنڈی کے سنگم پر واقع اہم مقام فیض آباد فیض آباد تک بیشتر کاروباری مراکز بند ہیں جبکہ فیض آباد لاری اڈے پر ہوٹل اور ریسٹورنٹ خالی کرا دیے گئے۔
