نائب وزیراعظم و وزیر خارجہ سینیٹر محمد اسحاق ڈار نے لندن میں برطانوی قومی سلامتی کے مشیر جوناتھن پاول سے ملاقات کی، جس میں جنوبی ایشیا، مشرق وسطیٰ اور افغانستان سمیت اہم علاقائی و عالمی سلامتی کی صورتحال پر تبادلہ خیال کیا گیا۔
ترجمان دفتر خارجہ کے مطابق اسحاق ڈار نے اپنے سرکاری دورہ برطانیہ کے دوران لندن میں برطانوی قومی سلامتی کے مشیر جوناتھن پاول سے ملاقات کی۔ دونوں رہنماؤں نے علاقائی اور عالمی سلامتی سے متعلق اہم پیش رفت پر اپنے خیالات کا تبادلہ کیا۔
Deputy Prime Minister/Foreign Minister Senator Mohammad Ishaq Dar @MIshaqDar50 had a meeting with British National Security Adviser Jonathan Powell, during his official visit to the United Kingdom, in London today.
The two sides exchanged views on key regional and international…
— Ministry of Foreign Affairs – Pakistan (@ForeignOfficePk) August 27, 2026
ملاقات میں جنوبی ایشیا، مشرق وسطیٰ اور افغانستان کی صورتحال خصوصی طور پر زیر بحث آئی، جبکہ پاکستان اور برطانیہ کے درمیان انسداد دہشتگردی اور سیکیورٹی کے شعبوں میں تعاون کا بھی جائزہ لیا گیا۔
اسحاق ڈار نے علاقائی امن و سلامتی کے فروغ میں پاکستان کے اہم کردار کو اجاگر کرتے ہوئے کہا کہ پاکستان مذاکرات، کشیدگی میں کمی اور مسائل کے بات چیت کے ذریعے حل کے لیے مسلسل سفارتی کوششیں جاری رکھے ہوئے ہے۔
دونوں جانب سے علاقائی سلامتی کی صورتحال پر قریبی مشاورت جاری رکھنے اور انسداد دہشتگردی، انٹیلی جنس معلومات کے تبادلے سمیت باہمی سلامتی کے مفاد سے متعلق دیگر شعبوں میں پاک برطانیہ تعاون مزید مضبوط بنانے پر اتفاق کیا گیا۔
یہ بھی پڑھیں:اسحاق ڈار اور اسٹیفن ڈاؤٹی کی لندن میں اہم بیٹھک، قیام امن کے لیے سفارتکاری تیز کرنے پر اتفاق
ملاقات ایسے وقت میں ہوئی ہے جب جنوبی ایشیا، افغانستان اور مشرق وسطیٰ میں سلامتی کی صورتحال مسلسل عالمی توجہ کا مرکز بنی ہوئی ہے اور پاکستان خطے میں کشیدگی کم کرنے اور سفارتی ذرائع سے تنازعات کے حل کے لیے اپنے رابطے جاری رکھے ہوئے ہے۔
