پشاور اور خیبرپختونخوا سمیت ملک بھر سے اسلام آباد کے لیے روانہ ہونے والے قافلوں کی ویڈیوز خصوصی لنک کے ذریعے سابق خاتون اول بشریٰ بی بی سے شیئر کی جارہی ہے۔
صوابی سے تحریک اںصاف کے رکن قومی اسمبلی آصف خان نے نے میڈٰیا سے گفتگو کرتے ہوئے کہا ہے کہ روانہ ہونے والے قافلے کی وڈیوز بنا کر بشریٰ بی بی کے ساتھ خصوصی لنک پر شیئر کی جائیں گی۔
یہ بھی پڑھیں:24نومبر احتجاج: اسلام آباد کے ڈی چوک تک پہنچنے کے لیے پی ٹی آئی کا پلان کیا ہے؟
آصف خان کے مطابق سوشل میڈیا ٹیم موجود ہے وہ گاڑیوں کے اندر بھی ویڈیوز بنا رہے ہیں۔ ان کا کہنا تھا کہ ہمیں ٹرانسپورٹ کا مسئلہ تھا، گاڑیاں نہیں مل رہی تھیں،جو گاڑیاں بک کروائی تھی ان کو دبایا گیا تھا۔
ایم این اے آصف خان کے مطابق ہمیں مجبوراً دیگر اضلاع ڈے گاڑیا منگوانی پڑی۔
یہ بھی پڑھیں:بشریٰ بی بی کا ٹیلی فون بند، سیاسی رہنماؤں سے رابطے منقطع
واضح رہے کہ عمران خان کے حکم پر 24نومبر(آج) کو پی ٹی آئی کی اسلام آباد کی جانب احتجاجی کال کے باعث جڑواں شہروں میں کاروبار زندگی عملاً معطل ہے۔ دونوں شہروں کی مرکزی شاہراہیں، پبلک ٹرانسپورٹ اور فیض انٹرچینج کوبند کر دیا گیا ہے۔جب کہ قانون نافذ کرنے والے ادارے کسی بھی ناخوشگوار صورتحال سے نمٹنے کے لیے تیار ہیں۔
