صوبہ خیبر پختونخوا کے علاقے باجوڑ میں سیکیورٹی فورسز نے خفیہ اطلاع کی بنیاد پر آپریشن کیا ہے اور اس دوران 3 دہشت گردوں کو ہلاک کر دیا گیا ہے۔
انٹر سروسز پبلک ریلیشنز ( آئی ایس پی آر) نے بتایا ہے کہ آپریشن باجوڑ کے علاقے لوسم میں کیا گیا اور اس دوران فائرنگ کے تبادلے میں 3 دہشت گرد مارے گئے ہیں۔
ترجمان نے بتایا کہ مارے گئے دہشت گردوں سے اسلحہ اور گولہ بارود برآمد کر لیا گیا ہے۔
مارے گئے دہشت گرد سیکیورٹی فورسز کے خلاف دہشت گردی کی متعدد کارروائیوں کے ساتھ ساتھ بھتہ خوری اور معصوم شہریوں کی ٹارگٹ کلنگ میں بھی سرگرم رہے۔
علاقے کے مقامی لوگوں نے سیکیورٹی فورسز کے آپریشن کو سراہا ہے اور دہشت گردی کی لعنت کے خاتمے کے لیے مکمل تعاون کا اظہار کیا ہے۔
