سندھ ہائیکورٹ کے آئینی بینچ نے پہلے روز 15 مقدمات سماعت کے لیے مقرر کیے۔
واضح رہے کہ اسلام آباد کے بعد سندھ پہلا صوبہ ہے جہاں آئینی بینچز کا قیام عمل میں لایا گیا ہے۔ 3 رکنی آئینی بینچ سربراہ جسٹس کریم خان آغا، جسٹس مبین لاکھو اور جسٹس ثناء اکرم منہاس پر مشتمل ہے۔ بینچ نے سندھ حکومت کو اساتذہ کے بھرتیوں کی پالیسی کے خلاف درخواست میں بڑا ریلیف دے دیا۔
یہ بھی پڑھیں: سندھ ہائیکورٹ: آئینی بینچز کے ججوں کی نامزدگی، کن ججز نے مخالفت کی؟
آئینی بینچ نے سندھ حکومت کی درخواست پر پی ایس ٹی اور جے ایس ٹی ٹیچرز کی بھرتیوں پر حکم امتناع ختم کرتے ہوئے صوبے بھر میں ٹیچرز کی بھرتیوں اور جوائننگ کی اجازت دے دی۔
اس سے قبل مختلف درخواستوں پر سندھ ہائیکورٹ نے حکم امتناع جاری کر کے سندھ حکومت کو ٹیچرز کی بھرتیوں سے روکا ہوا تھا۔
مزید پڑھیے: سپریم کورٹ: آئینی بینچ نے 2 مقدمات سماعت کے لیے ریگولر بینچ کو واپس بھیج دیے
آئینی بینچ نے محکمہ پاپولیشن میں 880 ملازمین کو مستقل نہ کرنے پر سیکریٹری پاپولیشن اور دیگر کے خلاف توہین عدالت کی درخواست پر درخواست گزار کے وکیل سے 11 دسمبر کو محکمہ پاپولیشن کے جواب پر اعتراضات طلب کرلیے ہیں۔
مزید پڑھیں: جسٹس امین الدین کی سربراہی میں سپریم کورٹ کا پہلا آئینی بینچ تشکیل، 14 نومبر سے سماعت
آئینی بینچ نے جناح اسپتال میں خلاف ضابطہ تعیناتیوں کے خلاف کیس میں وفاق اور سندھ حکومت کے وکلا کی جانب سے جواب جمع کرانے کے لیے مہلت مانگنے پر برہمی کا اظہار کرتے ہوئے آئندہ سماعت پر جواب طلب کرلیا ہے۔
