زمبابوے کے خلاف 3 ٹی20 میچوں کی سیریز کے دوسرے میچ کے لیے پاکستان کی پلیئنگ الیون کا اعلان کردیا گیا۔
یہ بھی پڑھیں زمبابوے کو 57 رنز سے شکست، پاکستان نے پہلا ٹی20 جیت لیا
پاکستان نے زمبابوے کے خلاف دوسرے ٹی20 میچ کے لیے ٹیم میں کوئی تبدیلی نہیں کی، جو کھلاڑی پہلے میچ میں موجود تھے وہی دوسرے میچ کے لیے بھی میدان میں اتریں گے۔
قومی کرکٹ ٹیم کی قیادت ایک بار پھر سلمان آغا کریں گے، جبکہ دیگر کھلاڑیوں میں عثمان خان، صائم ایوب، عمیربن یوسف، طیب طاہر،عرفان خان، جہانداد خان، عباس آفریدی، حارث رؤف، ابرار احمد اور سفیان مقیم شامل ہیں۔
یاد رہے کہ قومی کرکٹ ٹیم نے اتوار کو پہلے ٹی20 میچ میں زمبابوے کو 57 رنز سے شکست دی تھی۔
پاکستان اور زمبابوے کے درمیان ٹی20 سیریز کا دوسرا میچ کل کھیلا جائےگا، قومی ٹیم کو 3 میچوں کی سیریز میں 0-1 کی برتری حاصل ہے۔
یہ بھی پڑھیں پاکستان نے زمبابوے کو تیسرے اور فیصلہ کن ون ڈے میں 99 رنز سے ہراکر سیریز جیت لی
اس سے قبل قومی ٹیم نے 3 ایک روزہ میچوں کی سیریز 1-2 سے اپنے نام کی تھی۔
