اسلام آباد کے تمام پیٹرول پمپس پر چارجنگ اسٹیشنز نصب کیے جائیں، حکومت کا بڑا اعلان

وفاقی​ وزیررانا تنویر حسین نے کیپٹل ڈیولپمنٹ اتھارٹی (سی ڈی اے)، اسلام آباد کو شہر کے  تمام پیٹرول پمپس پر چارجنگ اسٹیشنز نصب کرنےکی ہدایت جاری کردی ہے۔

یہ بھی پڑھیں:پاکستان میں سستی اور تیز ترین الیکٹرک بائیکس متعارف

وفاقی وزیر نے اسلام آباد میں چارجنگ اسٹیشنز کی تنصیب کی ہدایت الیکٹرک وہیکلز پالیسی سے ،تعلق منعقد ہونے والے چوتھے اجلاس میں دی۔

وفاقی وزیر نے سی ڈی اے کو پیٹرول پمپس پر چارجنگ اسٹیشنز کی تنصیب کی ہدایت کے ساتھ سی ڈی اے کی کارکردگی پر اطمینان کا اظہار بھی کیا۔

فیڈرل بورڈ کے ٹاپ 120 طلبہ و طالبات کے لیے مفت الیکٹرک بائیکس کا اعلان

اجلاس میں وفاقی​ وزیر رانا تنویر حسین نے فیڈرل بورڈ کے ٹاپ 120 طلبہ و طالبات کو مفت الیکٹرک بائیکس دینے کا علان بھی کیا۔

اس موقع پر ان کا کہنا تھا کہ 39 ہزار الیکٹرک بائیکس، 1900 الیکٹرک رکشے رعایتی قرض پر دیں گے۔

وفاقی​ وزیررانا تنویر حسین نے ہدایت کی کہ شفافیت کے لیے پورا عمل ڈیجیٹلائز کیا جائے۔

ان کا کہنا تھا کہ وزیراعظم کے وژن کے مطابق اسلام آباد کو ماڈل شہر بنایا جائیگا۔