اسلام آباد پولیس نے کارروائی کرکے رہزنی کی وارداتوں میں مطلوب منظم گروہ کے ارکان کو گرفتار کرلیا ہے۔
ترجمان اسلام آباد پولیس کے مطابق تھانہ ترنول کی پولیس ٹیم نے بڑی کارروائی کر کے راہزنی کی متعدد وارداتوں میں مطلوب منظم گروہ کے 2 ارکان کو گرفتار کیا ہے۔
یہ بھی پڑھیں: اسلام آباد پولیس کی کارروائی، نقب زنی کی واردات میں ملوث منظم گروہ کے ملزمان گرفتار
گرفتار ملزمان کے قبضہ سے چھینے گئے قیمتی موبائل فون، موٹر سائیکل اور وارداتوں میں استعمال ہونے والا اسلحہ معہ ایمونیشن برآمد ہوا ہے، گرفتار ملزمان کی شناخت گل یاسین اورعدنان کے ناموں سے ہوئی ہے۔
گرفتار ملزمان کےخلاف تھانہ ترنول میں مقدمات درج تھے۔
یہ بھی پڑھیں: رواں برس کے دوران اسلام آباد پولیس کی کارکردگی کیسی رہی؟
ڈی آئی جی اسلام آباد سید علی رضا نے کامیاب کارروائی پر پولیس ٹیم کو شاباش دی ہے۔سید علی رضا کا کہنا ہے کہ ملزمان کو قرار واقعی سزا دلوانے کے لیے تمام قانونی تقاضے پورے کیے جائیں گے۔
ان کا کہنا ہے کہ منظم اور متحرک گینگز کے خلاف بڑے پیمانے پر کارروائیاں عمل میں لائی جارہی ہیں۔
