اسلام آباد پولیس نے کارروائی کرتے ہوئے نقب زنی کی واردات میں ملوث منظم گروہ کے ملزمان کو دھر لیا ہے۔
یہ بھی پڑھیں: اسلام آباد پولیس نے نومبر میں کتنے جرائم پیشہ افراد گرفتار کیے اور کیا کیا برآمد کیا؟
ترجمان اسلام آباد پولیس کے مطابق اسلام آباد کے تھانے لوہی بھیر کی پولیس ٹیم نے کارروائی کرتے ہوئے نقب زنی کی واردات میں ملوث منظم گروہ کے 2 ارکان کو گرفتار کیا ہے۔
گرفتار ملزمان کے قبضہ سے نقدی ، طلائی زیورات اور مال مسروقہ کل مالیتی 1کروڑ روپے برآمد ہوا ہے، گرفتار ملزمان کی شناخت عمیر حسین اور محمد عمران کے ناموں سے ہوئی ہے جن کے خلاف تھانے لوہی بھیر میں مقدمہ بھی درج ہے۔
یہ بھی پڑھیں: اسلام آباد پولیس کی کارروائی، پبلک پارک میں شہریوں کو لوٹنے والے ملزمان کو دھر لیا
ڈی آئی جی سید علی رضا نے اسلام آباد نے تھانے لوہی بھیر کی ٹیم کی کارروائی کو سراہا ہے اور اور کہا ہے کہ ملزم کو قرار واقعی سزا دلوانے کے لیے تمام قانونی تقاضے پورے کیے جائیں گے، منظم اور متحرک گینگز کے خلاف بڑے پیمانے پر کارروائیاں عمل میں لائی جارہی ہیں۔
اسلام آباد پولیس کا اشتہاری عدالتی مفروران اور عادی مجرمان کے خلاف کریک ڈاؤن جاری ۔
تھانہ شمسں کالونی پولیس ٹیم نے چوری کی وارداتوں میں ملوث سابقہ ریکارڈ یافتہ مجرم کو گرفتار کر لیا ۔#WeRIslamabadPolice #ICTP #OPS #IslamabadPolice#Islamabadians #Islamabad pic.twitter.com/rG6MGzQ0QR
— Islamabad Police (@ICT_Police) November 19, 2024
دوسری جانب اسلام آباد پولیس کا اشتہاری عدالتی مفروران اور عادی مجرمان کے خلاف کریک ڈاؤن جاری ہے، تھانہ شمسں کالونی پولیس ٹیم نے چوری کی وارداتوں میں ملوث سابقہ ریکارڈ یافتہ مجرم کو گرفتار کر لیا ہے۔
