گوگل نے اے آئی ماڈل جیمنی 2.0 کا اجرا کردیا ہے، جو گوگل کی آج تک کی سب سے جدید مصنوعی ذہانت کی ماڈل ہے۔
گوگل کے چیف ایگزیکٹو آفیسر (سی ای او) سندر پچائی نے کہا کہ نئی اے آئی ماڈل جیمنی 2.0 معلومات کو زیادہ کارآمد بنانے میں اہم کردار ادا کرے گی، ماڈل کسی واقعے کے سیاق و سباق کو سمجھنے اور مستقبل کی پیشگوئی کی صلاحیت سے بھرپور ہے۔
یہ بھی پڑھیں: سال 2024: گوگل پر پاکستان میں مقبول ترین اور دلچسپ سرچ ٹرینڈز کیا رہے؟
سندر پچائی نے کہا کہ ایک اے آئی ‘ایجنٹ’ ایک ڈیجیٹل مددگار ہے، جو حقائق کو سمجھتا ہے، فیصلے کرتا ہے، اور مخصوص اہداف کے حصول کے لیے اقدامات کرتا ہے۔
ٹیک کمپنیوں نے اس عزم کا اظہار کیا ہے کہ اے آئی ایجنٹ انقلاب کا اگلا مرحلہ ہوگا، جو 2022 میں چیٹ جی پی ٹی کے آغاز سے شروع ہوا تھا، چیٹ جی پی ٹی نے دنیا میں انقلاب بھرپا کیا تھا۔
یہ ٹیکنالوجی گوگل کے چھٹی نسل کے ٹی پی یو (ٹینسر پروسیسنگ یونٹ) ہارڈویئر سے چلتی ہے، جسے ٹریلیم کہتے ہیں، اب یہ عام صارفین کے لیے بھی دستیاب ہوگی۔
یہ بھی پڑھیں: گوگل سے ٹکر، اوپن اے آئی کا چیٹ جی پی ٹی ویب براؤزر لانچ کرنے کا فیصلہ
گوگل کے مطابق ٹریلیم پروسیسرز کو خصوصی طور پر ٹریننگ اور جیمنی 2.0 کو چلانے کے لیے استعمال کیا گیا ہے۔
جیمنی 2.0 پہلی ماڈل ہوگی، جو متعدد قسم کے ان پٹ (ٹیکسٹ، امیجز، ویڈیو، آڈیو) اور آؤٹ پٹ (بشمول جنریٹڈ امیجز اور اسپیچ) کو سنبھالتے ہوئے تیز کارکردگی پیش کرے گی۔
سندر پچائی نے کہا ’یہ پیشرفت ہمیں ایک عالمگیر معاون کے ہمارے وژن کے قریب لاتی ہے، دوسری جانب اس اے آئی ماڈل کی ریلیز کے بعد وال اسٹریٹ پر گوگل کے شیئرز میں 4 فیصد سے زیادہ اضافہ ہوا ہے۔‘
