بنگلہ دیش میں چلتی ٹرین کی چھت سے ویڈیو بنانے والے انڈین ویلاگر کو سوشل میڈیا صارفین نے تنقید کا نشانہ بنایا ہے۔
بھارتی ویلاگر راہول گپتا جو سوشل میڈیا پر ‘راہول_بابا_کی_مستی_’ کے نام سے مشہور ہیں، بنگلہ دیش میں چلتی ٹرین کے اوپر لیٹ کر ویڈیو بناتے نظر آئے ہیں، انہوں نے اعتراف کیا کہ یہ اسٹنٹ کافی خطرناک تھا اور ناظرین پر زور دیا کہ وہ اسے آزمانے سے گریز کریں۔
یہ بھی پڑھیں: سونو سود کو چلتی ٹرین کے دروازے پر بیٹھنا مہنگا پڑ گیا
ویڈیو میں ویلاگر کو ٹرین کے اوپر بیٹھے ہوئے بھی دیکھا جاسکتا ہے، ویڈیو میں اپنے ناظرین کو مخاطب کرتے ہوئے راہول گپتا نے کہا۔ ‘میں بنگلہ دیش میں ایک ٹرین کے اوپر سفر کررہا ہوں، آپ کو یہ کوشش نہیں کرنی چاہیے، میں یہ ویڈیو بہت خطرہ مول لے کر بنارہا ہوں۔‘
View this post on Instagram
ان کا یہ ویڈیو کلپ 20 ملین کے قریب ویوز کے ساتھ انسٹاگرام پر وائرل ہوچکا ہے۔
دوسری جانب سوشل میڈیا صارفین نے راہول گپتا کے اس عمل کی شدید مذمت کی ہے، بہت سے صارفین نے راہول گپتا کی اس حرکت کو ویڈیو کے ذریعے ویوز لینے کی کوشش قرار دیا جبکہ بعض صارفین نے ویڈیو بنانے کی خاطر اپنی جان کو خطرے میں ڈالنے پر ان پر تنقید کی ہے، کچھ لوگوں نے حکام سے اس کے خلاف کارروائی کا مطالبہ بھی کیا ہے۔
یہ بھی پڑھیں: ملت ایکسپریس واقعہ، خاتون نےچلتی ٹرین سے چھلانگ کیوں لگائی، ابتدائی رپورٹ کیا کہتی ہے؟
‘ ایک صارف نے طنزیہ تبصرہ کرتے ہوئے لکھا کہ بے روزگار دوست منگل کی دوپہر کو، جبکہ دوسروں نے اس اسٹنٹ کو لاپرواہی اور غیر ذمہ دارانہ قرار دیا ہے۔‘
View this post on Instagram
راہول گپتا جو بنیادی طور پر ٹرین سے متعلق مواد پوسٹ کرتے ہیں، انسٹاگرام پر ان کے 29 ہزار سے سے زیادہ فالوورز ہیں۔ ان کا کہنا ہے کہ وہ ٹرین سے محبت کرتے ہیں۔
