مشیر اطلاعات خیبرپختونخوا بیرسٹر ڈاکٹر سیف نے کہا ہے کہ وزیر اعلیٰ علی امین گنڈاپور کے زیر صدارت آج کرم معاملے پر اپیکس کمیٹی کا خصوصی اجلاس منعقد کیا جارہا ہے۔ اپیکس کمیٹی میں اعلیٰ سول و عسکری قیادت شرکت کرے گی۔ وزیراعلیٰ علی امین گنڈاپور کرم میں مستقل امن کے لئے کوشاں ہیں۔
مزید پڑھیں: کرم میں بھاری ہتھیاروں کی واپسی پر تحفظات دور کرنے کی کوشش جاری ہے، بیرسٹر سیف
بیرسٹر ڈاکٹر سیف نے اپنے بیان میں کہا کہ اپیکس کمیٹی اجلاس میں کرم معاملے پر اہم فیصلوں کا امکان ہے۔ اپیکس کمیٹی کو اب تک کی پیشرفت بارے آگاہ کیا جائے گا۔ اپیکس کمیٹی میں کرم میں پائیدار امن کے لیے حکمت عملی وضع کی جائے گی۔
مزید پڑھیں: ضلع کرم میں راستے تاحال بند، شہری پریشان، گرینڈ جرگہ بھی کسی نتیجے پر نہ پہنچ سکا
ان کا کہنا تھا کہ اپیکس کمیٹی میں بنکرز اور اسلحے کے خاتمے حوالے سے اہم پیشرفت کا امکان ہے۔ بنکرز اور اسلحے کے خاتمے کے بغیر پائیدار امن ممکن نہیں۔ کابینہ فیصلے کے مطابق اسلحے اور بنکرز کا خاتمہ ضروری ہے۔
