سپریم کورٹ نے جوڈیشل کمیشن کے کل (بروز ہفتہ، 21 دسمبر) شیڈول اجلاس کا ایجنڈا جاری کردیا ہے، ایجنڈے کے مطابق اجلاس میں سپریم کورٹ کے آئینی بینچ کی مدت میں توسیع پر غور کیا جائے گا۔
یہ بھی پڑھیں: سپریم جوڈیشل کمیشن نے 7 رکنی آئینی بینچ تشکیل دے دیا، جسٹس امین الدین سربراہ مقرر
سپریم کورٹ کے جاری اعلامیے کے مطابق کل (21 دسمبر) ہونے والے جوڈیشل کمیشن کے اجلاس میں سپریم کورٹ کے آئینی بینچ کی مدت میں توسیع ایجنڈے کا حصہ ہے۔
سپریم کورٹ آئینی بینچ کی مدت 4 جنوری 2025 کو ختم ہورہی ہے،آئینی بینچ جوڈیشل کمیشن کی جانب سے 2 ماہ کے لیے تشکیل دیا گیا تھا۔
آئینی بینچ 5 نومبر سے 4 جنوری 2025 تک کے لیے تشکیل دیا گیا تھا۔
یہ بھی پڑھیں: عمران خان نے جوڈیشل کمیشن میں پارٹی کے نمائندے تبدیل کردیے
آئینی بینچ میں جسٹس امین الدین، جسٹس جمال خان مندوخیل اور جسٹس محمد علی مظہر سمیت سپریم کورٹ کے دیگر ججز شامل ہیں، جسٹس امین الدین آئینی بینچ کے سربراہ ہیں۔
