نو منتخب امریکی صدر ڈونلڈ ٹرمپ کے نامزد کردہ ایلچی برائے مشنز رچرڈ گرینل نے امریکی محکمہ خارجہ کے ترجمان میتھو ملر کی ایکس پوسٹ پر طنز کرتے ہوئے لکھا ہے کہ آپ کی پوسٹ بہت کم اور کمزور ہے، اگرچہ آپ کو دیر ہو گئی ہے لیکن آپ معمول کے مطابق بولیں کہ عمران خان کو رہا کرو۔
واضح رہے کہ امریکی محکمہ خارجہ کے ترجمان میتھو ملر نے اپنی ایکس پوسٹ میں کہا تھا کہ امریکا کو فوجی ٹریبونل میں پاکستانی شہریوں کو سنائی گئی سزا پر تشویش ہے اور وہ پاکستانی حکام سے مطالبہ کرتا ہے کہ وہ منصفانہ ٹرائل اور مناسب طریقہ کار کے حق کا احترام کریں۔
You are late. And this is too little and too weak.
Speak normally.
Free Imran Khan. https://t.co/Azgo6mCdaE
— Richard Grenell (@RichardGrenell) December 23, 2024
مزید پڑھیں: کیا رچرڈ گرینل کے بیان کو سنجیدگی سے لینے کی ضرورت ہے؟
ادھر برطانیہ نے بھی پاکستان میں فوجی عدالتوں میں 25 شہریوں کی سزا پر ردعمل کا اظہار کیا ہے۔ ترجمان برطانوی وزارت خارجہ کے مطابق برطانیہ قانونی کارروائیوں پر پاکستان کی خود مختاری کا احترام کرتا ہے لیکن فوجی عدالتوں سے سویلینز کو سزاؤں میں شفافیت، آزادانہ جانچ پڑتال کا فقدان ہوتا ہے جس سے منصفانہ سماعت کے حق کو نقصان پہنچتا ہے۔
برطانیہ حکومت پاکستان سے مطالبہ کرتا ہے کہ وہ شہری اور سیاسی حقوق کے بین الاقوامی کنونشن کے تحت اپنی ذمہ داریوں کو نبھائے۔
مزید پڑھیں: امریکی ایلچی رچرڈ گرینل کی ٹوئٹ کے بعد پی ٹی آئی کارکنان پرجوش کیوں؟
خیال رہے کہ 21 دسمبر کو سانحہ 9 مئی میں ملوث 25 مجرمان کو فوجی عدالتوں کی جانب سے سزائیں سنائی گئیں۔ مجرمان کو 2 سے 10 سال تک قید بامشقت کی سزائیں سنائی گئیں۔
