سعودی وزارت اسلامی امور و دعوت و رہنمائی نے پاکستان کی وزارت مذہبی امور کے ساتھ مفاہمت کی ایک یادداشت پر دستخط کیے ہیں۔
وزارت کے ایکس اکاؤنٹ پر جاری بیان کے مطابق اس موقع پر وزیر اسلامی امور ڈاکٹر عبداللطیف بن عبدالعزیز آل شیخ بھی موجود تھے۔
یہ بھی پڑھیں:سعودی عرب میں فیوچر انویسٹمنٹ انیشیٹو سمٹ، پاک سعودیہ کے لیے کتنی اہم ہوگی؟
مفاہمتی یادداشت پر وزارت اسلامی امور کے انڈر سیکریٹری ڈاکٹر عواد بن سبتی العنزی اور پاکستانی وزارت کے انڈر سیکرٹری ذوالفقار حیدر نے دستخط کیے۔
اس معاہدے کا مقصد وکالت، قرآن پاک کی اشاعت اور ترجمہ، مبلغین اور اماموں کی تربیت اور مساجد کی تعمیر اور دیکھ بھال کے شعبوں میں تعاون کو بڑھانا ہے۔
یہ بھی پڑھیں:سعودی عرب نے کابل میں اپنا سفارت خانہ دوبارہ کھول دیا
اسلامی ورثے کی بحالی، اسلامی علوم کی اشاعت کے علاوہ اسلامی کانفرنسوں اور سیمینارز میں علما کی شرکت کی حوصلہ افزائی کی جائے گی۔
یہ اقدام اسلام اور مسلمانوں کی خدمات کےلیے مملکت کے کردار کو اجاگر کرتا ہے۔
