ایف آئی اے اینٹی ہیومن ٹریفکنگ سرکل کراچی نے اہم کارروائی کرتے ہوئے جعل سازی سے پاکستانی شناختی کارڈ حاصل کرنے والی 3 مفرور خواتین ملزمان کو گلشنِ اقبال کراچی سے گرفتار کرلیا ہے۔
ترجمان وفاقی تحقیقاتی ادارے (ایف آئی اے) کے مطابق گرفتار ملزمان میں عائشہ ناز، حنا ناز، اور افشاں ناز شامل ہیں، جن کا تعلق بنگلہ دیش سے ہے۔ گرفتار خواتین ملزمان 2022 سے مطلوب تھیں، ملزمان نے غیر ملکی ہونے کے باوجود قومی شناختی کارڈ حاصل کیا۔
مزید پڑھیں: یونان کشتی حادثہ، 3 انسانی اسمگلروں کے خلاف مقدمہ درج، ایف آئی اے کے 2 اہلکار گرفتار
ابتدائی تفتیش کے مطابق ملزمان نے جعل سازی سے قوم شناختی کارڈز حاصل کیے۔ ملزمان نے ایجنٹ کی مدد سے جعلی دستاویزات کی بنیاد پر برتھ ڈے اور ڈیتھ سرٹیفیکیٹ حاصل کیے۔ ملزمان کو سیکریٹری یونین کونسل، رضویہ سوسائٹی، لیاقت آباد ٹاؤن نے برتھ ڈے اور ڈیتھ سرٹیفیکیٹ جاری کیے تھے۔
ترجمان ایف آٗی اے کے مطابق ملزمان نے مذکورہ دستاویزات کی بدولت شناختی کارڈ حاصل کیے، ملزمان کو گرفتار کرکے تفتیش کا آغاز کردیا گیا ہے۔ ملزمان کی سہولتکاری میں ملوث عناصر کے خلاف بھی تحقیقات کو وسیع کردیا گیا ہے۔
مزید پڑھیں: ایف آئی اے نے عمرے کی آڑ میں غیر قانونی سفر کرنے والا مسافر گرفتار کرلیا
ترجمان کا کہنا ہے کہ نادرا اہلکاروں کی ملوث ہونے کا تعین دوران تفتیش کیا جائے گا جبکہ ملزمان کی نشاندہی پر مزید گرفتاریاں متوقع ہیں۔
