ایف آئی اے امیگریشن کی نے کراچی ایئرپورٹ پر کارروائی کرتے ہوئے عمرے کی آڑ میں غیر قانونی سفر کرنے والے مسافر کو گرفتار کرلیا۔ مسافر کی شناخت محمد مزمل کے نام سے ہوئی ہیں۔
ترجمان ایف آئی اے کے مطابق ملزم کے پاسپورٹ پر درج معلومات جعلی تھیں، ملزم نے جعلی جائے پیدائش درج کی ہوئی تھی۔ ملزم کی جائے پیدائش لودھراں ہے جبکہ ملزم نے جائے پیدائش سرگودھا ظاہر کرکے عمرہ ویزا حاصل کیا ہے۔
مزید پڑھیں: ایف آئی اے کی کارروائی، حوالہ ہنڈی اور غیر قانونی کرنسی ایکسچینج میں ملوث ملزم گرفتار
ترجمان نے بتایا کہ ابتدائی تفتیش کے مطابق ملزم عمرے کی آڑ میں سعودی عرب ملازمت کے غرض سے جا رہا تھا، ملزم نے اس مقصد کے لیے بہاولپور کے رہائشی عاشر نامی ایجنٹ سے ڈیل طے کی۔ ملزم نے ایجنٹ سے یہ ڈیل 3لاکھ 50ہزار روپے میں طے کی۔
ترجمان کے مطابق ڈیل کے تحت ملزم کو سعودی عرب پہنچنے پر اقامہ ملنا تھا، گرفتار مسافر کو مزید قانونی کارروائی کے لیے انسدادِ انسانی اسمگلنگ سرکل کراچی منتقل کردیا گیا ہے۔
یہ بھی پڑھیں: غیر قانونی کرنسی ایکسچینج میں ملوث ملزم گرفتار، غیرملکی کرنسی برآمد
تاہم، ایف آئی اے کی ٹیم نے ملزم کو گرفتار کرکے تمام دستاویزات قبضے میں کرلی ہیں اور مزید تفتیش کا عمل جاری ہے۔
