پاکستان کرکٹ ٹیم کے سابق فاسٹ بولر عمر گل کے والد نادر خان انتقال کرگئے، جن کی نماز جنازہ آج پشاور میں ادا کردی گئی ہے۔
یہ بھی پڑھیں عمر گل اور سعید اجمل قومی کرکٹ ٹیم کے بولنگ کوچ مقرر
پاکستان کرکٹ بورڈ (پی سی بی) کے چیئرمین محسن نقوی نے عمر گل سے ان کے والد کی وفات پر رنج و غم کا اظہار کیا ہے اور مرحوم کے لیے دعائے مغفرت بھی کی ہے۔
محسن نقوی نے کہاکہ عمر گل اور ان کے خاندان کے لیے یہ صدمے کا باعث ہے، دعا ہے اللہ پاک انہیں صبر عطا فرمائے۔
یہ بھی پڑھیں سابق برطانوی کرکٹر اور کوچ گراہم تھورپ چل بسے
واضح رہے کہ سابق فاسٹ بولر عمر گل نے 16 اکتوبر 2020 کو تینوں فارمیٹ کی کرکٹ سے ریٹائرمنٹ کا اعلان کیا تھا۔ انہوں نے اپنے کیریئر کے دوران 47 ٹیسٹ، 130 ون ڈے اور 60 ٹی20 میچوں میں پاکستان کی عالمی سطح پر نمائندگی کی۔
