آئی سی سی چیمپیئنز ٹرافی کے گروپ اے کے آخری میچ میں بھارتی بیٹر ویرات کوہلی کے آؤٹ ہونے پر ان کی اہلیہ انوشکا شرما نے سر پر ہاتھ رکھ لیا اور شدید مایوسی کا اظہار کیا۔
یہ بھی پڑھیں ویرات کوہلی نے اپنے 300ویں ون ڈے میچ میں تاریخ رقم کردی
ویرات کوہلی نیوزی لینڈ کے خلاف اپنا 300واں ایک روزہ انٹرنیشنل میچ کھیل رہے ہیں، تاہم آج وہ بیٹنگ میں ناکام نظر آئے اور 11 رنز بنا کر ہی پویلین لوٹ گئے۔
Glen Phillips gets Virat Kohli 🤯
But look at this catch👇#INDvsNZ pic.twitter.com/IDZ3b9yGKc
— Sumit Kapoor (@moneygurusumit) March 2, 2025
ویرات کوہلی نیوزی لینڈ کے کھلاڑی فلپس کے ہاتھوں کیچ آؤٹ ہوئے، آؤٹ ہونے کے موقع پر جہاں کوہلی خود حیران نظر آئے وہیں اسٹیڈیم میں موجود ان کی اہلیہ انوشکا شرما نے سر پر ہاتھ رکھ لیا اور ایسا ردعمل دیا جیسے انہیں شدید تکلیف پہنچی ہے۔
انوشکا شرما کے اس انداز کی ویڈیو اور تصاویر سوشل میڈیا پر وائرل ہوگئی ہیں، جہاں صارفین کی جانب سے مختلف تبصرے کیے جارہے ہیں۔
یہ بھی پڑھیں چیمپیئنز ٹرافی: جنوبی افریقہ نے سیمی فائنل کے لیے کوالیفائی کرلیا، افغانستان دوڑ سے باہر
واضح رہے کہ بھارت اور نیوزی لینڈ کے آج کے میچ کے بعد یہ فیصلہ ہو جائےگا کہ چیمپیئنز ٹرافی میں سیمی فائنل کن کن ٹیموں کے درمیان کھیلا جائےگا۔
