پاکستان تحریک انصاف (پی ٹی آئی) کے وکیل فیصل چوہدری نے کہا ہے کہ بشریٰ بی بی بہت غصے میں تھیں، انہوں نے سب کی دھلائی کی ہے کہ پارٹی ایکٹو ہونی چاہیئے۔
نجی ٹی وی پر گفتگو کرتے ہوئے پاکستان تحریک انصاف (پی ٹی آئی) کے بانی عمران خان کی جانب سے جیل معاملات پر قانونی معاونت سے روک دینے کی وجوہات بتاتے ہوئے ان کا کہنا تھا کہ جیل کی ایک پٹیشن کی ذمہ داری وکیل ظہیر عباس چوہدری کو سونپ دی گئی ہے۔
مزید پڑھیں: عمران خان نے فیصل چوہدری کو جیل معاملات پر قانونی معاونت سے روک دیا، نئے ترجمان کا بھی اعلان
فیصل چوہدری نے کہا کہ پی ٹی آئی قیادت گوہر خان اور سلمان اکرم راجا کو ذمہ داری دی گئی ہے کہ وہ اڈیالہ جیل کے باہر احتجاج کریں۔ تمام پارٹی قیادت احتجاج میں شریک ہوگی۔
واضح رہے کہ گزشتہ روز پاکستان تحریک انصاف (پی ٹی آئی) کے بانی عمران خان نے وکیل فیصل چوہدری کو جیل معاملات پر قانونی معاونت سے روک دیا تھا۔ عمران خان سے اڈیالہ جیل میں پارٹی قیادت، سینیئر وکیلا اور فیملی ممبران کی ملاقات میں اہم امور پر تبادلہ خیال کیا گیا تھا۔
مزید پڑھیں: پی ٹی آئی کی قیادت ڈکٹیشن بہت لیتی ہے، فیصل چوہدری
میڈیا رپورٹس میں کہا گیا تھا کہ عمران خان نے اپنے وکیل فیصل چوہدری کو جیل معاملات پر قانونی معاونت سے روکتے ہوئے یہ ذمہ داری وکیل ظہیر عباس چوہدری کو سونپ دی ہے اور نیاز اللہ نیازی کو اپنا ترجمان مقرر کیا ہے۔
