پی ڈی ایم اے پنجاب نے رمضان المبارک میں مزید بارشوں بارے الرٹ جاری کرتے ہوئے 9 سے 16 مارچ کے دوران صوبے کے بیشتر اضلاع میں بارشوں کی پیشگوئی کی ہے۔ مری گلیات اور پہاڑی علاقوں میں بھی بارش و برفباری کا امکان ہے۔
پی ڈی ایم اے پنجاب نے واسا، ریسکیو، محکمہ آبپاشی، لائیو سٹاک اور دیگر متعلقہ محکموں کو الرٹ جاری کردیا ہے۔ راولپنڈی، جہلم، اٹک، چکوال، سرگودھا، میانوالی، خوشاب اور منڈی بہاؤالدین میں بارشوں کی پیشگوئی کی گئی ہے۔
مزید پڑھیں: پورا ہفتہ بارشیں اور شدید برف باری، محکمہ موسمیات نے پیش گوئی کردی
9 سے 16 مارچ کے دوران پنجاب کے بیشتر اضلاع میں بارشوں کا امکان
مری گلیات اور پہاڑی علاقوں میں بھی بارش و برفباری کی پیشگوئی۔
ڈی جی پی ڈی ایم اے عرفان علی کاٹھیا کی انتظامیہ کو الرٹ رہنے کی ہدایات ۔ #pdma #ndma #pdmapunjab #govtofpunjab #govtofpakistan #cheifminister #cmoffice pic.twitter.com/8QH4WFXpLg— PDMA Punjab Official (@PdmapunjabO) March 8, 2025
لاہور، شیخوپورہ، حافظ آباد، گجرانوالہ، گجرات، سیالکوٹ، نارووال، فیصل آباد اور ٹوبہ ٹیک سنگھ میں بھی بارشوں کا امکان ہے۔
مزید پڑھیں: رمضان کے دوران ملک بھر میں موسم کیسا رہے گا؟
ملتان، ڈیرہ غازی خان، راجن پور، اوکاڑہ، بہاولنگر، بہاولپور، خانیوال، لیہ، بھکر، کوٹ ادو، رحیم یار خان، ساہیوال اور پاکپتن میں بھی بادل برسیں گے۔
