تین ایک روزہ میچز کی سیریز کے آخری میچ میں پاکستان کو 43 رنز کی ہزیمت کے ساتھ وائٹ واش کا سامنا بھی کرنا پڑا، اس سے قبل ٹی20 سیریز کا نتیجہ 4-1 رہا تھا۔
مزید پڑھیں: کلین سوئپ: تیسرے میچ میں نیوزی لینڈ نے پاکستان کو 43 رنز سے شکست دیدی
A fiery moment in the third ODI! Khushdil Shah reacts to crowd taunts #KhusdilShah #PAKvNZ pic.twitter.com/eCg5yBTmRq
— Thakur (@hassam_sajjad) April 5, 2025
پاکستان کے آل راؤنڈر خوشدل شاہ کو سیکیورٹی اہلکار نے اس وقت روکا جب وہ کچھ شائقین پر حملہ کرنے کی کوشش کر رہے تھے، جو نیوزی لینڈ کے خلاف پاکستان کی مایوس کن کارکردگی پر رکیک جملے کسنے سے باز نہیں آ رہے تھے۔ اس پل کا ایک منظر سوشل میڈیا پر شیئر ہوا جو دیکھتے ہی دیکھتے وائرل ہوگیا۔
Our lineup for the match today 🇵🇰 #NZvPAK | #BackTheBoysInGreen pic.twitter.com/lhdRVvb3Rt
— Pakistan Cricket (@TheRealPCB) April 4, 2025
واضح رہے کہ خوشدل شاہ آج کے میچ سمیت پہلے دونوں میچوں کے لیے پلئینگ الیون میں شامل نہیں تھے۔ وہ باؤنڈری کے باہر موجود تھے، جب قومی ٹیم کے خلاف جملے کسے گئے اور وہ خود پر قابو نہ رکھتے ہوئے شائقین کی طرف لپکے۔
یہ ذکر بھی ضروری ہے کہ 5 میچز کی ٹی20 سیریز میں خوشدل شاہ نے 4 میچ کھیلے تھے۔ جن کی 4 اننگز میں انہوں نے محض 40 رنز بنائے جبکہ بؤلنگ میں 5 اوورز میں 46 رنز کے عوض ایک وکٹ حاصل کی۔
مزید پڑھیں: نیوزی لینڈ سے پہلے ون ڈے میں شکست کا ذمہ دار کون؟ محمد یوسف برس پڑے
پہلے ٹی20 میچ میں انہوں نے 30 گیندوں پر 32 رنز بنائے اور کیچ آؤٹ ہو گئے تھے۔ خوشدل شاہ پہلے ٹی20 میں پاکستان کی جانب سے ’ٹاپ اسکورر‘ رہے تھے اگرچہ پوری ٹیم ہی 18.4 اوورز میں صرف 91 رنز بنا کر آؤٹ ہوگئی تھی۔
دوسرے ٹی20 میچ میں انہوں نے 2 گیندوں کا سامنا کرتے ہوئے 2 رنز بنائے اور کیچ آؤٹ ہو گئے تھے جبکہ 3 اوورز میں 16 رنز کے عوض ایک وکٹ حاصل کی۔
This is not a team, these are bunch of comedians 😂😂😂
No copyrights infringement. #PakistanCricket #PAKvsNZ #NZvsPAK pic.twitter.com/kw3nqF5g7v
— Rushabh Patwa (@RushabhPatwa304) April 5, 2025
تیسرے ٹی20 میچ میں انہوں نے محض ایک اوور پھینکا جس میں 2 چھکوں کے ساتھ 18 رنز دیے۔ یہ سیریز کا واحد میچ تھا جو پاکستان 9 وکٹوں سے جیتا جبکہ میں ختم ہونے میں 24 گیندیں باقی تھیں۔
چوتھے میچ میں بھی خوشدل شاہ نے ایک اوور کرایا جس میں ایک چھکے اور 2 وائٹ بالز کی مدد سے 12 رنز دیے جبکہ بلے بازی میں 7 گیندوں پر 6 رنز بنا کر کیچ آؤٹ ہی نہیں ہوئے بلکہ پانچویں ٹی20 سے بھی باہر ہو گئے تھے۔
مزید پڑھیں: جھوٹی امید نہیں دلاؤں گا، ہمیں بہت کچھ سیکھنے کی ضرورت ہے، کپتان محمد رضوان
نیوزی لینڈ کے خلاف پہلے ٹی20 میچ میں بولر سے ٹکرانے پر خوشدل شاہ پر جرمانہ
انٹرنیشنل کرکٹ کونسل (آئی سی سی) نے نیوزی لینڈ کے خلاف پہلے ٹی20 میچ کے دوران ضابطہ اخلاق کی لیول ٹو کی خلاف ورزی پر خوشدل شاہ کو میچ فیس کا 50 فیصد جرمانہ عائد کیا تھا۔
آئی سی سی کے مطابق انہوں نے کھلاڑیوں اور سپورٹ اسٹاف کے لیے آئی سی سی کوڈ آف کنڈکٹ کے آرٹیکل 2.12 کی خلاف ورزی کی۔ یہ آرٹیکل کھلاڑی، پلیئر سپورٹ اسٹاف، امپائر، میچ ریفری یا کسی دوسرے شخص (بین الاقوامی میچ کے دوران تماشائی سمیت) کے ساتھ نامناسب جسمانی رابطے سے متعلق ہے۔
یہ واقعہ پاکستان کی اننگز کے 8ویں اوور کے دوران اس وقت پیش آیا تھا جب خوشدل مخالف ٹیم کے بولر زکریا فولکس سے پیچھے سے بہت زور سے ٹکرا گئے۔ اس عمل کو ’قابل ذکر طاقت کے ساتھ نامناسب جسمانی رابطہ‘ کے طور پر درجہ بند کیا گیا اور اسے لاپرواہی گردانا گیا۔
خوشدل شاہ نے امپائر اور میچ ریفری جیف کرو کی جانب سے عائد کی گئی پابندیوں کو قبول کرلیا تھا جس کے نتیجے میں باضابطہ سماعت کی ضرورت نہیں پڑی تھی۔ خوشدل کو 24 ماہ کی مدت کے اندر اپنے پہلے جرم کے لیے ان کے ڈسپلنری ریکارڈ میں 3 ڈی میرٹ پوائنٹس شامل کیے گئے ہیں۔
مزید پڑھیں: نیوزی لینڈ سیریز: کس پاکستانی بولر نے بیٹنگ میں عالمی ریکارڈ قائم کیا؟
یہاں یہ بات قابل ذکر ہے کہ اگر کوئی کھلاڑی اس ٹائم فریم کے اندر 4 یا اس سے زیادہ ڈی میرٹ پوائنٹس جمع کرتا ہے تو ان پوائنٹس کو معطلی پوائنٹس میں تبدیل کردیا جاتا ہے۔
2 معطلی پوائنٹس کی وجہ سے ایک ٹیسٹ میچ، 2 ایک روزہ بین الاقوامی (ون ڈے) یا دو ٹی 20 بین الاقوامی (ٹی 20 آئی) سے پابندی عائد ہوجاتی ہے جو اس بات پر منحصر ہے کہ کھلاڑی کے لیے پہلے کس قسم کا میچ ہوتا ہے۔
