پاکستانی قومی کرکٹرنسیم شاہ کے ہمشکل بھارتی شہری کی ویڈیو سوشل میڈیا پر وائرل ہو رہی ہے۔
وائرل ویڈیو میں نسیم شاہ سے مشابہت رکھنے والے شخص کا کہنا تھا کہ ان کا اصل نام کسی کو معلوم نہیں ہے سب لوگ انہیں نسیم شاہ کے نام سے ہی جانتے ہیں۔
خاتون صحافی نے انٹرویو کے دوران نسیم شاہ کے ہمشکل سے سوال کیا کہ آپ بھی کرکٹ کھیلتے ہیں تو مخالف ٹیم کے کھلاڑی آپ کو دیکھ کر ہکا بکا رہ جاتے ہوں گے کہ یہ ٹیم تو پروفیشنل کھلاڑی کو ہی ٹیم میں لے آئی۔ جس کے جواب میں ان کا کہنا تھا ’بالکل ایسا ہی ہے مخالف ٹیم کے کھلاڑی چونک جاتے ہیں کہ پاکستان سے نسیم شاہ کشمیر کیسے آگیا‘۔
Kupwara youth’s stunning resemblance with Pakistan’s famous cricketer Naseem Shah #nasheemshah pic.twitter.com/Y35tr2Iih2
— Koshur newton (@KoshurNewton) April 8, 2025
نسیم شاہ کے ہمشکل بھارتی کا کہنا تھا کہ ’جب میں کرکٹ کھیلتا ہوں تو کھلاڑی کہتے ہیں کہ پہلا اوور نسیم شاہ کو دے دو یہ اچھی بولنگ کرتا ہے، پھر میں وہ اوور اچھے سے کرتا ہوں۔ پہلے سب مجھے نسیم شاہ کہتے ہیں اس کے بعد میرا اصل نام پوچھتے ہیں‘۔
ان کا مزید کہنا تھا کہ ’میں نسیم شاہ کو 2,4 سالوں سے جانتا ہوں، مجھے لوگوں نے بولا کہ تم پاکستانی کھلاڑی نسیم شاہ کی طرح دکھتے ہو جس کے بعد میں نے ان کا ایکشن اور اسٹائل کاپی کیا‘۔ انہوں نے کہا کہ ’میں نسیم کی طرح بننے کی کوشش کر رہا ہوں، وہ پروفیشنل بولر ہیں۔ میں یہ نہیں کہہ سکتا کہ میں ان کے جیسا ہوں لیکن پھر بھی ان کے جیسا بننے کی کوشش کر رہا ہوں‘۔
نسیم شاہ سے مشابہت رکھنے والے بھارتی کی ویڈیو سوشل میڈیا پر وائرل ہوئی تو صارفین کی جانب سے اس پر دلچسپ تبصرے کیے گئے۔ بھارتی شخص بات کرتے ہوئے بار بار مائیک پکڑ رہا تھا جس پر تبصرہ کرتے ہوئے ایک شخص نے مزاحیہ انداز میں لکھا کہ ’بولنگ کا تو پتہ نہیں لیکن نسیم شاہ کو مائیک پکڑنے کا بہت شوق ہے‘۔
Bowling ka to patta nai but naseem shah ko mic pakad ne ka bohot shoq h
— holdmykanger🍁🇵🇸 (@QaziSaifullah07) April 8, 2025
بیگ مرزا نے لکھا کہ یہ شخص نسیم شاہ اور وسیم وزیر کا مجموعہ ہے۔
Combination of naseem shah and Wasim waxir.
— Bêg Mirza (@ahmd902201) April 9, 2025
ایک ایکس صارف کا کہنا تھا کہ اسی لیے کہتے ہیں کہ دنیا میں 7 قسم کے ایک جیسی شکل کے لوگ ہوتے ہیں اور یہ سچ ہے۔
isiliye ku kehty hai 7 kism kay loog duniya mai hoty hn.. aur ya sch h
— Hufzain Shahid🖤🕊 (@bhathufzain06) April 8, 2025
بشر کمال نے کہا کہ نسیم شاہ سے مشابہت نہیں بلکہ یہ تو نسیم شاہ ہی ہیں۔
Resemblance? Abey ye toh @iNaseemShah hi hai https://t.co/30UuNtGQTk
— Bashar Kamaal (@kamaal60296) April 9, 2025
اسد نامی ایکس صارف نے کہا کہ پشاور زلمی کو اصلی نسیم شاہ نہیں مل سکا تو ان کے ہمشکل کو ٹیم میں شامل کر لیں۔
Peshawar zalmi couldn't get the real Naseem shah, Issi ko lelo. https://t.co/VC2FGwLRbX
— Asad🇵🇸 (@cheegaAsad) April 8, 2025
واضح رہے کہ نسیم شاہ کے ہمشکل کا اصل نام ندیم شیخ ہے جن کا تعلق بھارت سے ہے۔
