وفاقی وزیر اطلاعات مریم اورنگزیب نے سابق وزیراعظم شاہد خاقان عباسی کو جواب دیتے ہوئے کہا ہے کہ رمضان المبارک میں پنجاب، خیبر پختونخوا، سندھ اور اسلام آباد میں کروڑوں غریبوں کو اس مہنگائی میں پوری شفافیت اور ایمانداری سے مفت آٹا فراہم کیا گیا۔
سماجی رابطے کی ویب سائٹ ٹوئٹر پر اپنے ایک بیان میں مریم اورنگزیب کا کہنا تھا کہ وزیراعظم شہباز شریف نے مفت آٹا اسکیم کی خود نگرانی کی اور شہروں کے دورے کرکے جائزہ لیا۔
رمضان میں پنجاب،خیبرپختونخوا , سندھ اور اسلام آباد میں کروڑوں غریبوں کو اس مہنگائی میں پوری شفافیت اور ایمان داری سے مفت آٹا فراہم ہوا، وزیراعظم شہباز شریف نے خود نگرانی کی، شہروں کے دورے کرکے جائزہ لیا۔ تاریخی سکیم کی کامیابی میں انتظامی افسران اور عملے نے دن رات محنت کی جو…
— Marriyum Aurangzeb (@Marriyum_A) April 29, 2023
وزیر اطلاعات نے کہا کہ تاریخی اسکیم کی کامیابی میں انتظامی افسران اور عملے نے دن رات محنت کی جو قابلِ ستائش ہے۔
واضح رہے کہ ہفتہ کے روز لاہور میں تقریب سے خطاب کرتے ہوئے سابق وزیراعظم شاہد خاقان عباسی نے کہا تھا کہ 84 ارب روپے کی مفت آٹا اسکیم میں 20 ارب روپے سے زیادہ کی چوری ہوئی ہے۔
https://twitter.com/farrukhhashmii/status/1652362791523606534?s=20
