لاہور قلندرز کی منیجمنٹ کی طرف سے شاہین شاہ آفریدی کو گولڈ پلیٹڈ آئی فون کا تحفہ دیا گیا جس کی ویڈیو سوشل میڈیا پر وائرل ہو گئی۔
وائرل ویڈیو میں دیکھا جا سکتا ہے کہ لاہور قلندرز کی مینجمنٹ کی جانب سے شاہین آفریدی کو دیگر کھلاڑیوں کی موجودگی میں آئی فون کا ڈبا پکڑایا گیا لیکن وہ خالی تھا جس کے بعد انہیں ایک اور گفٹ باکس دیا جاتا ہے اور باقی کھلاڑیوں کو کہا جاتا ہے کہ آپ قریب آ کر دیکھیں کہ اس میں کیا ہے۔
شاہین شاہ آفریدی گفٹ باکس کھولتے ہیں تو اس میں سے 24k گولڈ پلیٹڈ آئی فون 16 پرو میکس نکلتا ہے۔ جس پر مینجمنٹ کہتی ہے کہ یہ فون شاہین شاہ آفریدی کے لیے اسپیشل بنایا گیا ہے۔ شاہین شاہ آفریدی فون ہاتھ میں اٹھائے پنجابی میں کہتے ہیں ’بشیرا اے ہیوی اے‘۔
The iPhone has landed 📱😉
Our Captain Qalandar receives a gift he’s worthy of 💛🤴🏽
A custom 24K Gold-plated IPhone 16 Pro, made just for Lahore Qalandars’ main man, Shaheen! pic.twitter.com/PYigEiJvRR— Lahore Qalandars (@lahoreqalandars) April 20, 2025
ویڈیو سوشل میڈیا پر وائرل ہوئی تو جہاں کئی صارفین کی جانب سےاس کی تعریف کی گئی وہیں چند صارفین اس پر تنقید کرتے نظر آئے۔
اسامہ کان اچکزئی لکھتے ہیں کہ انڈین پریمیئر لیگ (آئی پی ایل) ٹیم مینجمنٹ کو کاپی نہ کریں۔
Don't copy ipl teams management #PSLX #ipl https://t.co/8WUU23SUbK
— Usama Khan Achakzai (@UAchakzai33) April 20, 2025
عبداللہ نامی صارف کا کہنا تھا کہ لنڈی کوتل کا پٹھان پنجابی بول رہا ہے یہ پی ایس ایل کی خوبصورتی ہے۔
A Pathan from Landi Kotal is speaking Punjabi.
That's the beauty of PSL. https://t.co/bIWaIbmNxa— Abdullah (@abdullahhammad4) April 20, 2025
ایک صارف نے لکھا کہ شاہین شاہ آفریدی کی موجیں ہو گئیں۔ ساتھ ہی انہوں نے ویڈیو پر تبصرہ کرتے ہوئے کہا کہ جس طرح ڈیرل مچل نے بشیرا سے آئی فون کا ڈبا چھینا وہ بہت دلچسپ ہے۔ صارف کا کہنا تھا کہ مجھے لاہور قلندرز کی ٹیم سے محبت ہے۔
Mojain hugyin Shaheen ki haha
And also the way Mitchell snatched the box from Basheera at the end, man I love this team😭 https://t.co/Stq5jRB7KO— Saba. 🇵🇸 (@JaaneJahaann) April 20, 2025
حیا نامی صارف لکھتی ہیں کہ شاہین آفریدی کو آئی فون دینے کی بجائے یہ رقم مختلف فلاحی اداروں کو عطیہ نہیں کر سکتے تھے، ان کا کہنا تھا کہ شاید وہ پہلے ہی عطیات دیتے ہوں لیکن مزید دیا جا سکتا تھا۔ انہوں نے مزید کہا کہ گولڈ پلیٹڈ آئی فون دینے کی ضرورت نہیں تھی۔
instead of doing this cant they donate to different organisations?
i get that they might already do but they can always donate more? bec honestly there is never a need for a gold plated iphone https://t.co/HDGLb4rIQ8— Haya (@keepplurking) April 20, 2025
