پاکستان سپر لیگ یعنی پی ایس ایل 2021 کی فاتح ٹیم ملتان سلطانز کے مالک علی ترین کیا اپنی فرنچائز چھوڑنا چاہتے ہیں اور ٹیموں کی دوبارہ نیلامی کے خواہاں کیوں ہیں؟ ان سوالوں پر خود علی ترین کا کہنا ہے کہ وہ ملتان سلطانز کی دوبارہ نیلامی کے خواہاں ہیں تاکہ اس کی اصل قدر کا اندازہ ہوسکے۔
یہ بھی پڑھیں:پی ایس ایل 10 کے 2 میچ ری شیڈول کر دیےگئے، پی سی بی کی تصدیق
’جب سے ہم نے ملتان سلطانز خریدی ہے ہمارا نقصان ہوا ہے، کنٹریکٹ میں تبدیلی کے بعد ہمارے نقصانات میں کچھ کمی آئی ہے، اس سے ثابت ہوتا ہے کہ کنٹریکٹ میں تبدیلی کی جاسکتی ہے۔‘
https://Twitter.com/CricFollow56/status/1916417241069002914
علی ترین کا کہنا تھا کہ وہ ملتان سلطانز کی ایک فیئر ویلیو پر دوبارہ نیلامی کے خواہاں ہیں تاکہ فرنچائز کی اصل قدروقیمت کا اندازہ ہوسکے۔’ہم اس کو صرف ری بڈ کرنا چاہتے ہیں، جو ہمارا حق ہے، ہم اگلے 20 سال تک نقصان نہیں اٹھانا چاہ رہے۔‘
علی ترین کے مطابق انہیں کوئی شک نہیں ہے کہ ملتان سلطانز ان کے ہاتھ سے جائے گی، ان کا منصوبہ ہے کہ وہ ایک فیئر ویلیو پر ری بڈ کریں، انہیں کوئی ڈیل نہیں چاہیے۔ ’ہم چاہتے ہیں کراچی کنگز کی ایویلیو ایشن پر ہماری ٹیم ہونی چاہیے۔‘
مزید پڑھیں:
علی ترین کا کہنا تھا کہ پی ایس ایل نیچے کی طرف ٹرینڈ کررہا ہے، جسے بحال کرنے کی ضرورت ہے، پی ایس ایل کے سیزن 6 کے بعد جس طرح پی ایس ایل جس طرح نمو پذیر تھا اس میں اب کوئی بہتری نہیں آرہی اور جمود کا ماحول ہے۔
’دنیا کی کوئی بھی لیگ ایک ہی جگہ رہے گی تو وہ ترقی نہیں کرے گی اور آہستہ آہستہ نیچے آئے گی۔‘
مزید پڑھیں: پی ایس ایل سیزن 10 : کراچی کنگز نے ملتان سلطانز کو4 وکٹوں سے شکست دے دی
علی ترین نے کہا کہ اس دفعہ پی ایس ایل کے میچز دیکھنے تماشائی کم آرہے ہیں، مارکیٹنگ ہائپ بھی جو ہم ہر دفعہ بناتے ہیں وہ بھی کم ہے، اس دفعہ ہمارے ٹکٹس بھی آدھے بکے ہیں، لوگوں کو نظر آرہا ہے۔’یہ برا شگون ہے۔‘
علی ترین کے مطابق اس کا مطلب یہ نہیں کہ پی ایس ایل برباد ہوگیا، ہم سمجھتے ہیں کہ اس کا ٹرینڈ نیچے جارہا ہے، جب تک ہم اسے بحال نہیں کریں گے، ہم ترقی نہیں کرسکیں گے، ہم پی ایس ایل انتظامیہ کو جھنجھوڑنا چاہتے ہیں کہ سب اکٹھے ترقی کریں۔
