پاکستان نے بھارتی جارحیت کے باعث عالمی امن و سلامتی کو لاحق خطرات کے حوالے سے سلامتی کونسل کو آگاہ کردیا۔
ترجمان دفتر خارجہ کے مطابق نائب وزیراعظم و وزیر خارجہ اسحاق ڈار کی ہدایت پر اقوام متحدہ میں پاکستان کے مستقل نمائندے نے سلامتی کونسل کو بھارت کی طرف سے کھلی جارحیت اور اس سے بین الاقوامی امن و سلامتی کو لاحق خطرات سے آگاہ کیا۔
یہ بھی پڑھیں پاک فوج کا بھارت کو منہ توڑ جواب، 5 جنگی طیارے اور بریگیڈ ہیڈکوارٹر تباہ
ترجمان نے بتایا کہ پاکستان کی جانب سے سلامتی کونسل کو بتایا گیا ہے کہ پاکستان اقوام متحدہ کے چارٹر کے آرٹیکل 51 میں درج اپنے دفاع کے حق کے مطابق اپنی پسند کے وقت اور جگہ پر اس جارحیت کا مناسب جواب دینے کا حق محفوظ رکھتا ہے۔
واضح رہے کہ بھارت کی جانب سے پاکستان کے 6 مقامات پر میزائل داغے گئے ہیں، جس کے نتیجے میں 8 شہری شہید اور 33 زخمی ہوگئے ہیں۔
یہ بھی پڑھیں بھارتی حملوں میں 8 پاکستانی شہید ہوئے، دشمن کو منہ توڑ جواب دے رہے ہیں، ڈی جی آئی ایس پی آر
پاک فوج نے بھرپور جوابی کارروائی کرتے ہوئے دشمن کے 5 جنگی جہاز مار گرائے ہیں، جبکہ بریگیڈ ہیڈکوارٹر بھی تباہ کردیا گیا۔
