حکومت کی جانب سے بھارتی جارحیت اور سیکیورٹی کے پیش نظر راولپنڈی اور اسلام آباد میں کم سے کم لائٹس استعمال کرنے کی ہدایت کردی گئی۔
یہ بھی پڑھیں: کرتارپور راہداری پاک بھارت کشیدگی کے بعد بند کر دی گئی
راولپنڈی انتظامیہ کی جانب سے جاری ہونے والے حکمنامے کے مطابق شام 7 سے صبح 5 بجے تک نجی ہاؤسنگ سوسائٹیز میں مکمل بلیک آؤٹ رہے گا۔
حکمنامے میں لکھا گیا ہے کہ تمام رات اسٹریٹ لائٹس بھی بند رکھی جائیں گی اور رہائشی بھی گھروں کے باہر اور پورچ وغیرہ کی لائٹس بند رکھنے کے پابند ہوں گے۔
اسلام آباد میں حکومت کی طرف سے اعلانات۔ اپنی لائٹس بند کردیں۔ pic.twitter.com/gl7bHwATMZ
— WE News (@WENewsPk) May 7, 2025
انتظامیہ نے گھروں اور دفاتر کی کھڑکیاں مکمل طور پر ڈھانپ کر رکھنے اور گھروں میں محدود بتیاں استعمال کرنے کی ہدایت کی گئی ہے۔
مزید پڑھیے: پاک بھارت ٹکراؤ: چند سوالات اور ان کے جواب
شہریوں کو بلیک آؤٹ کے دوران غیر ضروری سفر سے بھی اجتناب کی ہدایات کی گئی ہے۔
دریں اثنا اسلام آباد میں سیکٹرز کے مراکز (مارکیٹس) میں سرکاری گاڑیوں کے ذریعے اعلانات میں دکانداروں کو پابند کیا جا رہا ہے کہ وہ اپنی دکان کی باہر کی لائٹس بند رکھیں۔
