پاکستان اور بھارت کے درمیان جاری تنازع کے باعث جہاں بارڈر پر حالات کشیدہ ہیں وہیں لائن آف کنٹرول پر بھی دونوں ملکوں کی افواج آمنے سامنے ہیں، اور گولہ باری ہورہی ہے، لیکن اس کے باوجود کشمیریوں کے حوصلے بلند ہیں، اور انہیں دشمن ملک بھارت کا کوئی خوف نہیں۔
یہ بھی پڑھیں پاک بھارت جنگ بندی کے بعد پاکستانی رہنماؤں کا ردعمل سامنے آ گیا
حویلی کہوٹہ لائن آف کنٹرول پر واقع علاقہ ہے جہاں دوسری طرف دشمن ملک بھارت کی فوج ہے، جہاں سے سول آبادی پر گولہ باری کی جاتی ہے۔
کشمیری عوام کے حوصلے بلند، بلا خوف زندگی گزار رہے ہیں۔ بھارتی جارحیت کے باوجود کہوٹہ میں شادی کی تقریب۔ مزید تفصیلات جانیں اس ویڈیو میں pic.twitter.com/ej8CUkaZO5
— WE News (@WENewsPk) May 11, 2025
حویلی کہوٹہ کے عوام حالیہ پاک بھارت تنازع کے دوران بھی کسی خوف کا شکار نہیں ہوئے، علاقے میں جہاں دیگر روزمرہ کی سرگرمیاں جاری ہیں، وہیں شادی کی تقریبات بھی بغیر کسی خوف کے ہورہی ہیں۔
یہ بھی پڑھیں بھارت کا مظفرآباد کی مسجد پر پہلا حملہ اور پاک فوج کے آپریشن کا نام ’بُنیان مَرصُوص‘، مماثلت کیا ہے؟
علاقے کے عوام پاک فوج کی جانب سے دشمن ملک بھارت کو منہ توڑ جواب دیے جانے پر خوشی سے سرشار ہیں، اور انہیں کسی قسم کا کوئی خوف نہیں۔
