بانی پی ٹی آئی عمران خان نے جھوٹ پکڑنے کا ‘پولی گرافک ٹیسٹ’ کرانے سے انکار کردیا جس کے بعد لاہور سے آئی ہوئی پولیس ٹیم جیل سے باہر آگئی ہے۔
میڈیا رپورٹس کے مطابق بانی پی ٹی آئی نے وکلا کی عدم موجودگی میں مذکورہ ٹیسٹ کرانے سے انکار کردیا۔
یہ بھی پڑھیے: سپریم کورٹ نے عمران خان کا جسمانی ریمانڈ دینے سے انکار کر دیا
اس ٹیسٹ کے لیے جیل عملہ عمران خان کو بلانے کے لیے سیل میں گیا لیکن انہوں نے ٹیسٹ کے لیے جانے سے انکار کردیا۔
بانی پی ٹی آئی سے 9 مئی واقعات سے متعلق تفتیش کے لیے لاہور پولیس کی 11 رکنی ٹیم اڈیالہ جیل پہنچی تھی۔
دوسری جانب پولیس نے عمران خان سے ملنے آنے والے پی ٹی آئی رہنما بیرسٹر گوہر، علی محمد خان اور وکیل نیاز اللہ نیازی کو دہگل ناکے پر روک دیا ہے۔
