چیف جسٹس آف پاکستان جسٹس یحییٰ آفریدی نے ماحولیاتی انصاف کو فروغ دینے کے لیے کمیٹی کی تشکیل نو کرتے ہوئے جسٹس شفیع صدیقی کی سربراہی میں 8 رکنی کمیٹی تشکیل دی ہے۔
ماحولیاتی انصاف کے فروغ کے لیے اس نو تشکیل کردہ کمیٹی کے دیگر اراکین میں سپریم کورٹ کے جسٹس علی باقر نجفی، لاہور ہائیکورٹ کے جسٹس محمد ساجد محمود، سندھ ہائیکورٹ کے جسٹس جواد اور بلوچستان ہائیکورٹ کے جسٹس عامر نواز رانا شامل ہیں۔
اسلام آباد ہائیکورٹ کے جسٹس ارباب محمد طاہر اور پشاور ہائیکورٹ کے جسٹس محمد نعیم بھی اس کمیٹی کے رکن ہوں گے، اس ضمن میں رجسٹرار سپریم کورٹ کی جانب سے نوٹیفکیشن جاری کردیا گیا ہے۔
