اسلام آباد کے پوش سیکٹر جی 13 میں معروف ٹک ٹاکر ثناء یوسف کے قتل کے معاملے میں اہم پیشرفت ہوئی ہے۔ پولیس نے مبینہ قاتل کو فیصل آباد سے گرفتار کر لیا ہے، جبکہ واقعے کی سی سی ٹی وی بھی سامنے آ گئی ہے۔
فوٹیج میں دیکھا جا سکتا ہے کہ ایک کم عمر لڑکا، جس نے کالی ٹی شرٹ پہن رکھی ہے، شام 5 بج کر 9 منٹ پر موقع واردات یعنی جی 13 سے فرار ہوتا ہے۔ سی سی ٹی وی میں ملزم کو بھاگتے ہوئے بھی واضح طور پر دیکھا جا سکتا ہے۔
ثنا کا قاتل پکڑا جا چکا ہے۔ ملزم کا تعلق فیصل آباد سے ہیں۔ ثنا کو مارنے کے بعد قاتل کی سی سی ٹی وی ویڈیو منظر عام ہر اگئی۔ قاتل کا نام کاکا ہے۔ اللہ غرق کرے اسے۔ pic.twitter.com/jUBOFxNF0H
— Mehwish Qamas Khan (@MehwishQamas) June 3, 2025
مزید پڑھیں: اسلام آباد میں قتل ہونے والی 17 سالہ سوشل میڈیا انفلوئنسر ثنا یوسف کون تھیں؟
ذرائع کے مطابق تھانہ سنبل پولیس نے تحقیقات کے بعد ملزم کی شناخت کر لی تھی، جس کے بعد اس کے ورثاء کی نشاندہی پر اسے گرفتار کیا گیا۔ پولیس حکام کا کہنا ہے کہ ملزم سے مزید تفتیش جاری ہے اور دیگر قانونی کارروائیاں بھی جلد عمل میں لائی جائیں گی۔
Well Done Islamabad Police. Sana Yousaf murder case traced, accused arrested and weapon recovered within 20 hours
The incident occurred yesterday in Islamabad when a young girl was murdered by a masked accused. The accused has been arrested just an hour back. Police has… pic.twitter.com/jmQx9xAlhm
— Mohsin Naqvi (@MohsinnaqviC42) June 3, 2025
پولیس نے سی سی ٹی وی فوٹیج کو بھی کیس کا حصہ بنا دیا ہے اور ذرائع کا کہنا ہے کہ اس فوٹیج نے ملزم کی گرفتاری میں کلیدی کردار ادا کیا۔ واقعے کے بعد علاقے میں خوف و ہراس کی فضا ہے، جبکہ سوشل میڈیا پر بھی واقعے کی شدید مذمت کی جا رہی ہے۔
ثناء یوسف قتل کیس 20 گھنٹوں میں حل، ملزم گرفتار، اسلحہ اور موبائل فون برآمد، وفاقی وزیر داخلہ محسن نقوی
نوجوان ٹک ٹاکر ثنا یوسف کے قتل کا معمہ پولیس نے 20 گھنٹوں میں حل کر لیا۔ وفاقی وزیر داخلہ محسن نقوی کے مطابق پولیس نے ملزم کو گرفتار کرکے آلہ قتل اور مقتولہ کا موبائل فون بھی برآمد کرلیا ہے۔
مزید پڑھیں :چترال سے تعلق رکھنے والی ٹک ٹاکر کو اسلام آباد میں قتل کردیا گیا
محسن نقوی نے سوشل میڈیا پلیٹ فارم ایکس (سابقہ ٹوئٹر) پر اپنے پیغام میں بتایا کہ ملزم نے اعتراف جرم بھی کرلیا ہے۔ یہ افسوسناک واقعہ گزشتہ روز پیش آیا تھا، جب ایک نقاب پوش شخص نے نوجوان لڑکی کو قتل کر دیا۔ پولیس نے سی سی ٹی وی فوٹیج اور دیگر شواہد کی مدد سے کارروائی کرتے ہوئے ملزم کو ایک گھنٹہ قبل گرفتار کیا ہے۔
پولیس ذرائع کے مطابق، گرفتار ملزم کم عمر ہے اور اس نے مقتولہ سے چھینا گیا آئی فون اور واردات میں استعمال ہونے والا پستول چھپایا ہوا تھا، جو برآمد کر لیا گیا ہے۔
