ملک کے بیشتر دیگر شہروں میں پیر کو سورج دن بھر آگ برساتا رہا جبکہ اسلام آباد اور لاہور کا درجہ حرارت بھی معمول سے زیادہ رہا۔
یہ بھی پڑھیں: ’موسمیاتی تبدیلیاں پاکستان کی معیشت کو چاٹ رہی ہیں‘
محکمہ موسمیات کے ترجمان کے مطابق آج وفاقی دارالحکومت میں درجہ حرارت 43 ڈگری سینٹی گریڈ یعنی معمول سے 4 ڈگری زیادہ تھا اور لاہور مین پارہ 43 ڈگری ریکارڈ کیا گیا جو معمول سے 7 ڈگری زیادہ تھا۔
سبی میں بھی 45 ڈگری ٹمپریچر ریکارڈ کیا گیا۔ فیصل آباد اور ڈی آئی خان میں درجہ حرارت 44.5 اور لاڑکانہ میں 44 ڈگری سینٹی گریڈ رہا۔
مزید پڑھیے: گلگت بلتستان کے پہاڑی علاقے بھی موسمیاتی تبدیلی کے نرغے میں
محکمہ موسمیات کے مطابق ملتان ،بہاولپور اور پشاورمیں درجہ حرارت 43 ، مظفر آباد میں 40، کوئٹہ اور گلگلت میں 35 جبکہ کراچی میں 34 ڈگری ریکارڈ کیا گیا۔
