پنجاب میں خواتین کی خودمختاری کے لیے پروگرام ’شی ونز‘ کامیابی کے ساتھ جاری ہے۔
وزیراعلیٰ پنجاب مریم نواز شریف کی قیادت میں خواتین کی مالی خودمختاری کے لیے ڈیجیٹل وژن پر مبنی ‘SheWins’ پروگرام کامیابی کے ساتھ بھرپور انداز میں جاری ہے۔
یہ بھی پڑھیں: خواتین کو بااختیار بنانے کے لیے این سی ایس ڈبلیو اور پی پی اے ایف میں معاہدہ
پروگرام کو صوبے بھر میں خواتین کی جانب سے زبردست پذیرائی مل رہی ہے اور یہ اقدام خواتین کی معاشی خودمختاری کی جانب ایک اہم سنگ میل قرار دیا جا رہا ہے۔
پنجاب انفارمیشن ٹیکنالوجی بورڈ (پی آئی ٹی بی) کے تعاون سے شروع کیے گئے اس پروگرام کے ذریعے خواتین کو جدید ڈیجیٹل مہارتوں میں تربیت دی جا رہی ہے، جن میں ای کامرس، سوشل میڈیا مارکیٹنگ اور کانٹینٹ کریئیشن شامل ہیں۔
پنجاب بھر کے صنعت زار مراکز کو جدید اسکلز ٹریننگ سینٹرز میں تبدیل کردیا گیا ہے، جہاں خواتین کو بااختیار بنانے کے لیے ہنر اور مارکیٹ تک رسائی فراہم کی جارہی ہے، ساتھ ہی ویمن ڈویلپمنٹ سینٹرز میں طالبات کو قانونی رہنمائی، قیادت کی تربیت اور محفوظ تعلیمی ماحول مہیا کیا جا رہا ہے۔
یہ بھی پڑھیں: مریم نواز کی جانب سے خواتین میں ملازمت کے لیٹرز کی تقسیم
وزیراعلیٰ مریم نواز شریف کا کہنا ہے کہ ’پنجاب کی بیٹیوں کو جینے، سیکھنے اور آگے بڑھنے کا پورا حق حاصل ہے۔ وہ اب صرف خواب نہیں دیکھتیں بلکہ اُنہیں پورا کرنے کا ہنر بھی رکھتی ہیں، یہی ہماری کامیابی ہے۔‘
