سندھ کے وزیراطلاعات شرجیل میمن کی جانب سے انکشاف کیا گیا ہے کہ سندھ حکومت انٹرٹینمنٹ انڈسٹری کے ساتھ تعاون کرتے ہوئے پاکستان کے قومی ہیرو سر عبدالستار ایدھی کی متاثر کن زندگی پر مبنی فلم بنا رہی ہے۔
شرجیل میمن نے یہ انکشاف پاکستان انٹرنیشنل فلم فیسٹیول کی افتتاحی تقریب کے موقع پر کیا جس میں انہوں نے بطور مہمانِ خصوصی شرکت کی۔ وزیر اطلاعات کا کہنا تھا کہ ہمارے پاس بہت اچھے لوگ موجود ہیں جن پر ہم فلمیں بنا سکتے ہیں اور انفارمیشن ڈیپارٹمنٹ نے کہا کہ ہم فلمیں بنائیں گے۔
انہوں نے کہا کہ عبدالستار ایدھی کی زندگی ختم ہونے کے بعد ہم دفن کر کے ان کو بھول گئے۔ یہ فلم بنائیں گے تو بعد میں آنے والی نسل کو پتہ چلے گا کہ ایدھی صاحب نے کیا کچھ کیا تھا۔ ہمیں لوگوں کو اپنے ہیروز کے بارے میں بتانا ہے۔
View this post on Instagram
شرجیل میمن نے کہا کہ سندھ حکومت فلم سازی کی حوصلہ افزائی کے لیے گذشتہ سال ہی کام شروع کر چکی ہے تاکہ وہ پوری دنیا میں پاکستان کے قومی بیانئے کو فروغ دیں۔
سینئر وزیر سندھ شرجیل میمن نے بھارت کے حوالے سے بات کرتے ہوئے کہا کہ وہ پاکستان کے خلاف 100 سے زائد پروپیگنڈا فلمیں بنانے جا رہا ہے جن میں وہ دکھائیں گے کہ وہ جیتے ہیں مگر حقیقت میں بھارت جنگ نہیں جیت سکا۔
