کراچی کے جناح انٹرنیشنل ایئرپورٹ پر ایک بین الاقوامی کارگو کمپنی کے کھڑے طیارے سے لوڈر گاڑی ٹکرا گئی۔
یہ بھی پڑھیں:کراچی ایئرپورٹ پر دو طیاروں سے پرندے ٹکرا گئے، انتظامیہ متحرک
میڈٰا رپورٹ کے مطابق حادثہ اس وقت پیش آیا جب طیارہ پارکنگ میں موجود تھا اور اچانک ایک لوڈر ٹرک آکر اس سے جا ٹکرایا۔
ابتدائی اطلاعات کے مطابق لوڈر ٹرک کے بریک ممکنہ طور پر فیل ہو گئے تھے، جس کے باعث یہ واقعہ پیش آیا۔ حادثے کے بعد طیارے کو گراؤنڈ کر دیا گیا ہے اور اس کے ممکنہ نقصان کا جائزہ لیا جا رہا ہے۔
ادھر پاکستان ایئرپورٹ اتھارٹی (پی اے اے) کے حکام کا کہنا ہے کہ واقعے کی تحقیقات شروع کر دی گئی ہیں تاکہ ذمہ داری کا تعین کیا جا سکے۔
