وزیراعظم پاکستان شہباز شریف نے کہا ہے کہ عمران خان اپنے معمولی سیاسی فائدے کی خاطر پاک فوج اور انٹیلی جنس ایجنسی کے افسران کو بدنام کر رہے ہیں جسے برداشت نہیں کیا جائے گا۔
سماجی رابطے کی ویب سائٹ ٹوئٹر پر اپنے ایک بیان میں وزیراعظم شہباز شریف کا کہنا تھا کہ عمران خان کا دھمکیاں دینے کا عمل انتہائی قابل مذمت ہے۔
Imran Niazi's act of routinely maligning and threatening Pakistan Army and Intelligence Agency for the sake of petty political gains is highly condemnable. His leveling of allegations without any proof against Gen Faisal Naseer and officers of our Intelligence Agnecy cannot be…
— Shehbaz Sharif (@CMShehbaz) May 7, 2023
شہباز شریف نے کہا کہ میجر جنرل فیصل نصیر اور ہماری انٹیلی جنس ایجنسی کے افسران کے خلاف بغیر کسی ثبوت کے الزامات لگانے کی اجازت نہیں دی جاسکتی۔
اس سے قبل سابق صدر مملکت آصف زرداری نے بھی عمران خان کی جانب سے افواج پاکستان کے افسران کو نشانہ بنانے کی مذمت کی ہے۔
یہ بھی پڑھیںhttp://عمران خان اداروں کو بدنام کرنے کی ہر حد عبور کر چکا، مزید برداشت نہیں کریں گے: آصف زرداری
واضح رہے کہ عمران خان اپنے ہر خطاب میں اپنی توپوں کا رخ اسٹیبلشمنٹ کی جانب رکھتے ہیں اور سب سے زیادہ سابق آرمی چیف جنرل باجوہ اور کچھ حاضر سروس افسران کو بھی تنقید کا نشانہ بناتے ہیں۔
ہفتے کے روز چیف جسٹس کے ساتھ اظہار یکجہتی کے لیے نکالی گئی ریلی سے خطاب کرتے ہوئے عمران خان نے کہا تھا کہ مجھے دو مرتبہ قتل کرنے کی کوشش کی گئی جس کے پیچھے میجر جنرل فیصل نصیر تھا۔ اعظم سواتی پر تشدد اور ارشد شریف کے قتل کے پیچھے بھی یہی شخص تھا۔ بلاول کے کہنے پر جنرل باجوہ نے آئی ایس آئی کا کراچی میں سیکٹر کمانڈر تبدیل کیا۔
