وفاقی حکومت نے آئندہ 15 روز کے لیے ملک بھر میں پیٹرولیم مصنوعات کی قیمتوں میں اضافہ کر دیا۔ وفاقی وزارت خزانہ کی جانب سے جاری نوٹیفکیشن کے مطابق پیٹرول کی قیمت میں 5.36 روپے فی لیٹر اضافہ کیا گیا، جبکہ ڈیزل کے ایک لیٹر کی قیمت 11 روپے 37 پیسے بڑھا دی گئی ہے۔
عوام کی جانب سے حکومت کے اس فیصلے پر کافی تنقید کی جارہی ہے۔ رہنما پی ٹی آئی نعیم حیدر پنجوتھہ نے پیٹرول کی قیمتوں میں اضافے کے اعلان کے بعد کہا کہ آپ نے گھبرانا نہیں ہے، انہوں نے مزید کہا کہاں گئے وہ جو کہتے تھے پیٹرول مہنگا وزیراعظم چور؟
آپ نے گھبرا نہ نہیں ہے
پیٹرول 8 روپے 36 پیسے اور ڈیزل 10 روپے 39 پیسے مزید مہنگا نوٹیفکیشن جاری
کہاں گئے وہ جو کہتے تھے پیٹرول مہنگا وزیراعظم چور ؟ pic.twitter.com/E2uNcK6XlM
— Naeem Haider Panjutha (@NaeemPanjuthaa) July 15, 2025
حلیم عادل شیخ نے لکھا کہ رات کے اندھیرے میں بننے والی حکومت نے رات کے اندھیرے میں پاکستانی عوام پر پیٹرول بم گرا دیا۔
رات کے اندھیرے میں بننے والی حکومت نے رات کے اندھیرے میں پاکستانی عوام پر پیٹرول بم گرا دیا
پیٹرول 5 روپے 36 پیسے، ڈیزل 11 روپے 37 پیسے مہنگا۔۔۔!!!#PetrolDieselPrice pic.twitter.com/5YELQ9XZ3u
— Haleem Adil Sheikh (@HaleemAdil) July 15, 2025
مسرت چیمہ نے کہا کہ اس ماہ میں پیٹرول کی قیمت تقریباً 14 روپے اور ڈیزل کی قیمتوں میں تقریباً 22 روہے اضافہ ہو چکا یے۔ یہی وہ حکمران ہیں جو کل تک مہنگائی مارچ کر کے سڑکوں پر عوام کے درد کا ڈھونگ رچایا کرتے تھے جبکہ اقتدار میں آکر پیٹرولیم مصنوعات کی قیمتیں تقریباً ڈبل کر چکے ہیں۔ اس کے باوجود دعوے کیے جاتے ہیں کہ مہنگائی 60 سال کی کم ترین سطح پر لے آئے ہیں۔
اس ماہ میں پیٹرول کی قیمت تقریباً 14 روپے اور ڈیزل کی قیمتوں میں تقریباً 22 روہے اضافہ ہو چکا یے.
یہی وہ حکمران ہیں جو کل تک مہنگائی مارچ کر کے سڑکوں پر عوام کے درد کا ڈھونگ رچایا کرتے تھے جبکہ اقتدار میں آکر پیٹرولیم مصنوعات کی قیمتیں تقریباً ڈبل کر چکے ہیں. اسکے باوجود دعوے… pic.twitter.com/9OU2R0Iepi
— Musarrat Cheema (@MusarratCheema) July 16, 2025
سیف اعوان نے طنزاً لکھا کہ پیٹرول کم از کم 1000 روپے لیٹر ہونا چاہیے تاکہ صرف ارب پتی لوگ گاڑیاں استعمال کرسکیں،باقی لوگ پیدل سفر کیا کریں،دنیا سے 1000 سال ہمیں پیچھے جانا چاہیے۔
پیٹرول کم از کم 1000 روپے لیٹر ہونا چاہیے تاکہ صرف ارب پتی لوگ گاڑیاں استعمال کرسکیں،باقی لوگ پیدل سفر کیا کریں،دنیا سے 1000 سال ہمیں پیچھے جانا چاہیے۔
— Saif Awan (@saifullahawan40) July 16, 2025
ایک ایکس صارف نے حکومت کو آڑے ہاتھوں لیتے ہوئے کہا کہ اس حکومت کی کارکردگی بتانے کے لیے چینی، پیٹرول اور بجلی کی قیمت کافی ہے اس کے بعد کچھ اور کہنے سننے کی ضرورت نہی رہتی۔
اس حکومت کی کارکردگی بتانے کے لیے چینی ، پیٹرول اور بجلی کی قیمت کافی ہے اس کے بعد کچھ اور کہنے سننے کی ضرورت نہی رہتی ہے
— RAShahzaddk (@RShahzaddk) July 15, 2025
پیٹرولیم مصنوعات کی قیمتوں میں اضافے کے بعد نواز شریف کی ایک پرانی ویڈیو بھی سوشل میڈیا پر وائرل ہو رہی ہے جس میں وہ کہہ رہے ہیں کہ پیٹرول کی قیمتیں رات کے اندھیرے میں بڑھائی ہیں، رات کے اندھیرے میں تو ڈاکے پڑتے ہیں یہ عوام کی جیبوں پر بہت بڑا ڈاکا ہے۔
ایک صارف نے ویڈیو شیئر کرتے ہوئے لکھا کہ میاں نواز شریف کا یہ اصولی موقف آج شہباز شریف سرکار کی جانب سے پیٹرولیم مصنوعات کی قیمتوں میں اضافے پر بھی یقیناً ہونا چاہیے۔
رات کے اندھیرے میں پیٹرول کی قیمتیں بڑھنا عوام پر بہت بڑا ڈاکہ ہے
میاں نواز شریف کا یہ اصولی موقف آج شہباز شریف سرکار کی جانب سے پیٹرولیم مصنوعات کی قیمتوں میں اضافے پر بھی یقیناً ہونا چاہیے ہے #petrolprice #PetrolDieselPrice pic.twitter.com/cbXmiuL5Sp— Shakeel Choudhry (@ShakeelChPPP) July 15, 2025
ڈاکٹر ضیاء خان نے نواز شریف کی پرانی ویڈیو شیئر کرتے ہوئے کہا کہ نواز شریف اپنی ہی حکومت پر برس پڑے۔
نواز شریف اپنی حکومت پر برس پڑے
رات کے اندھیرے میں جو پیٹرول کی قیمتیں بڑھائی ہیں اپ بتائیں رات کے اندھیرے میں تو ڈاکے پڑتے ہیں میرے بھائی؟ نواز شریف کا سوال https://t.co/fcVxs3py1P pic.twitter.com/cjL7W6JXji— Dr. Xia Khan (@DrXiakhan) July 16, 2025
واضح رہے کہ اس سے قبل یکم جولائی کو حکومت نے ڈیزل کی قیمت میں 10 روپے 39 پیسے فی لیٹر اور پیٹرول کی قیمت میں 8 روپے 36 پیسے فی لیٹر اضافہ کیا تھا۔ 15 جون کو 15 روز کے لیے پیٹرول کی قیمت میں 4 روپے 80 پیسے اور ڈیزل کی قیمت میں 7 روپے 95 پیسے فی لیٹر اضافہ کیا گیا تھا۔
