پاکستان کو 34 سال بعد ویسٹ انڈیز سے ون ڈے سیریز میں شکست، ’یہ کس کا ویژن ہے‘

ٹرینیڈاڈ میں کھیلے گئے تیسرے اور فیصلہ کن ون ڈے میچ میں ویسٹ انڈیز نے شاندار کارکردگی کا مظاہرہ کرتے ہوئے پاکستان کو 202 رنز کے بھاری مارجن سے شکست دی، یوں تین میچوں پر مشتمل سیریز 1-2 سے اپنے نام کر لی۔ یہ تاریخی کامیابی ویسٹ انڈیز کو 34 سال بعد پاکستان کے خلاف کسی ون ڈے سیریز میں حاصل ہوئی۔

کرک انفو کی رپورٹ کے مطابق، ویسٹ انڈیز کی یہ صرف چوتھی فتح ہے جس میں انہوں نے 200 سے زیادہ رنز سے کامیابی حاصل کی۔ ویسٹ انڈیز 2023 کے ورلڈ کپ میں بھی جگہ بنانے میں ناکام رہا تھا۔

پاکستان کی شکست پر شائقین کا شدید ردعمل دیکھنے میں آ رہا ہے جہاں ایک طرف وہ قومی ٹیم پر تنقید کرتے نظر آ رہے ہیں وہیں پاکستان کرکٹ بورڈ (پی سی بی) کے چیئرمین محسن نقوی سے استعفیٰ کا مطالبہ بھی کرتے نظر آئے۔

اطہر سلیم نے پاکستان کی بولنگ پر تنقید پر تنقید کرتے ہوئے کہا کہ ایک وقت پرایسٹ انڈیز کا 200 رنز کرنا بھی مشکل لگ رہا تھا مگر شکریہ پاکستان کی بولنگ کا جنہوں نے آخری 10 اوورز میں 119 رنز لگوا دیے۔

ویسٹ انڈیز کا پاکستان کو جیتنے کے لئے 295 رنز کا ہدف۔۔
ایک وقت پر ان کے 200 بھی مشکل لگ رہے تھے مگر شکریہ پاکستان کی بالنگ کا جنہوں نے آخری 10 اوورز میں 119 رنز لگوا دئے 🫡 #PAKvWI #cricket pic.twitter.com/1GWzNqclWD

— Ather Salem® (@Atharsaleem01) August 12, 2025

احمد وڑائچ لکھتے ہیں کہ پاکستان کو 34 سال بعد ویسٹ انڈیز سے ون ڈے سیریز میں شکست، یہ کس کا ویژن ہے؟

پاکستان کو 34 سال بعد ویسٹ انڈیز سے ون ڈے سیریز میں شکست

یہ کس کا ویژن ہے ؟؟؟ pic.twitter.com/LFvOHdfpj1

— Ahmad Warraich (@ahmadwaraichh) August 12, 2025

خالد حسین تاج نے کہا کہ وقت آ گیا ہے محسن نقوی کو چیرمین کرکٹ بورڈ کے عہدے سے فوری طور پر استعفی دینا چاہیے۔ جب سے محسن نقوی چیرمین بنے ہیں پاکستان کرکٹ ٹیم میچ جیتنا بھول گیا، ویسٹ انڈیز جیسے کمزور ٹیم سے ونڈے سیریز ہار گیا، بنگلادیش سے ٹی 20 سیریز ہار گیا، امریکا سے ٹی 20 ورلڈ کپ میں ہار کر پہلے راونڈ میں ہی باہر ہو گیا۔ یہ محسن نقوی کی چیرمینپی سی بی بننے کے بعد پچھلے 18 ماہ میں پاکستان کرکٹ ٹیم کی کارکردگی ہے۔

وقت آ گیا ہے محسن نقوی کو چیرمین کرکٹ بورڈ کے عہدے سے فوری طور پر استعفی دینا چاہئے جب سے محسن نقوی چیرمین بنا پاکستان کرکٹ ٹیم میچ جیتنا بھول گیا ویسٹ انڈیز جیسے کمزور ٹیم سے ونڈے سیریز ہار گیا بنگلادیش سے T20 سیریز ہار گیا امریکہ سے T20 ورلڈ کپ میں ہار کر پہلے راونڈ میں ہی باہر… pic.twitter.com/REGbBAiumc

— Khalid Hussain Taj (@KhalidHusainTaj) August 12, 2025

حسین احمد چوہدری لکھتے ہیں کہ پاکستان 34 سال بعد ویسٹ انڈیز سے ونڈے سیریز ہار گیا، پوری ٹیم صرف 92 رنز پر آؤٹ ہو گئی اس کا ذمہ دار کون ہے؟

پاکستان 34 سال بعد ویسٹ انڈیز سے ونڈے سیریز ہار گیا پوری ٹیم صرف 92 رنز پر آؤٹ ۔ ذمہ دار کون ؟؟؟ pic.twitter.com/2EKVwvrO6m

— Hussain Ahmed Ch (@HussainAhmedCh8) August 13, 2025

عبد الرؤف خان نے کہا کہ کرکٹ بورڈ کے چیئرمین، اس کی مینجمنٹ اور گورننگ بورڈ ویسٹ انڈیز کے خلاف اس ذلت آمیز شکست پر فی الفور استعفی دے اور کرکٹ بورڈ اہل لوگوں کے حوالے کیا جائے۔ یہ پاکستان کے 25کروڑ عوام کا بورڈ ہے جن کے جذبات بری طرح مجروح کئے جا رہے ہیں۔

انہوں نے کہا کہ کتنی دفعہ وہاب ریاض، مصباح الحق، وقار یونس، عاقب جاوید،اظہر محمود، ثقلین مشتاق مشتاق احمد،انضمام،منصور رانا، شاہد اسلم، ندیم خان اور ان جیسے نااہل ترین افراد کو بار بار نوازا گیا اور پاکستان کرکٹ کو تباہ و برباد کر دیا گیا۔ ایسی بدترین پرفارمنس کے حامل لوگوں کو فی الفور بورڈ سے دور کیا جائے۔

کرکٹ بورڈ کے چیئرمین اسکی مینجمنٹ اور گورننگ بورڈ ویسٹ انڈیز کیخلاف اس ذلت آمیز ترین شکست پر فی الفور استعفی دے اور کرکٹ بورڈ اہل اور competent لوگوں کے حوالے کیا جائے۔ یہ پاکستان کے 25کروڑ عوام کا بورڈ ہے جن کے جذبات بری طرح مجروح کئے جا رہے ہیں۔ کتنی دفعہ وہاب ریاض، مصباح…

— Abdur Rouf Khan (@AbdurRoufKhan6) August 12, 2025

طارق متین نے کہا کہ 34 سال بعد ہم ویسٹ انڈیز سے ون ڈے سیریز ہارے ہیں۔ اس ذلت کا سہرا صرف محسن نقوی کے سر نہیں۔

چونتیس سال بعد ہم ویسٹ انڈیز سے ون ڈے سیریز ہارے ہیں۔ اس ذلت کا سہرا صرف محسن نقوی کے سر نہیں۔

— Tariq Mateen (@tariqmateen) August 12, 2025

قادر خواجہ نے قومی ٹیم کے کھلاڑیوں کی ایک تصویر شیئر کی جس میں انہیں مسکراتے ہوئے دیکھا جا سکتا ہے انہوں نے کہا کہ سیریز میں بدترین شکست اور مسکراہٹیں بتارہی ہیں کہ ان کو شائقین کرکٹ کے جذبات سے کوئی لینا دینا نہیں ہے۔

سیریز میں بدترین شکست اور مسکراہٹیں بتارہی ہیں کہ انکو شائقین کرکٹ کے جذبات سے کوئی لینا دینا نہیں ہے….#PakistanCricket pic.twitter.com/uiuXbK6J8e

— Qadir Khawaja (@iamqadirkhawaja) August 12, 2025

ایک صارف نے پاکستان کی شکست کا ذمہ دار بابر اعظم، محمد رضوان اور محسن نقوی کو قرار دیا۔

Root cause of destruction of Pakistan Cricket #PakvsWI #PakistanCricket pic.twitter.com/PnQFsh3WOR

— 𝐙𝐄𝐃 (@TheAngrrybird) August 12, 2025

ایک ایکس صارف نے سوال کیا کہ پاکستان کرکٹ کے بدترین زوال کا زمہ دار کون ہے؟

پاکستان کرکٹ کے بدترین زوال کا زمہ دار کون؟#PakvWI #PakvsWI @tapmadtv pic.twitter.com/3gKf7GfXhn

— Abdul Ghaffar 🇵🇰 (@GhaffarDawnNews) August 12, 2025

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں