پاکستان تحریک انصاف کے بانی چیئرمین عمران خان نے پشتونخوا ملی عوامی پارٹی کے سربراہ محمود خان اچکزئی کو قومی اسمبلی میں اپوزیشن لیڈر کے طور پر نامزد کرنے کا فیصلہ کر لیا۔
یہ بھی پڑھیں:9 مئی کیس میں سزائیں: عمر ایوب اور شبلی فراز سمیت پی ٹی آئی کے 9 پارلیمنٹیرینز نااہل قرار
نجی چینل کے رپورٹر حیدر شیرازی کے مطابق، عمران خان نے اڈیالہ جیل میں ملاقات کے لیے آنے والے رہنماؤں اور کارکنان کو اس فیصلے سے آگاہ کیا۔
میڈیا ذرائع کا کہنا ہے کہ پارٹی سطح پر اس نامزدگی کی تصدیق کر دی گئی ہے۔
واضح رہے کہ حال ہی میں 9 مئی کے مقدمات میں انسدادِ دہشتگردی عدالت کی جانب سے سزا پانے کے بعد پی ٹی آئی رہنما عمر ایوب نہ صرف قومی اسمبلی میں اپوزیشن لیڈر کے عہدے سے محروم ہو گئے تھے بلکہ پبلک اکاؤنٹس کمیٹی سمیت تمام قائمہ کمیٹیوں سے بھی انہیں ہٹا دیا گیا تھا۔
یہ بھی پڑھیں:9 مئی سمیت دیگر کیسز میں قومی اسمبلی کے 8 ارکان کی نااہلی، عمر ایوب اپوزیشن لیڈر نہیں رہے
الیکشن کمیشن نے عدالت کے فیصلے کے بعد عمر ایوب اور شبلی فراز کی نااہلی کا باضابطہ نوٹیفکیشن بھی جاری کر دیا تھا۔ تاہم، دونوں رہنماؤں نے اس فیصلے کے خلاف پشاور ہائیکورٹ سے رجوع کر رکھا ہے۔
