پاکستان میں سونے کی قیمتوں میں معمولی کمی دیکھی گئی ہے ، گزشتہ روز ملک میں فی تولہ سونے کی قیمت 10 ہزار روپے بڑھ کر 2 لاکھ 40 ہزار روپے ہوگئی تھی جبکہ آج سونے کی قیمت میں کمی دیکھی گئی۔
آج پاکستان میں فی تولہ سونے کی قیمت 2700 روپے کمی کے ساتھ 237300 روپے جبکہ دس گرام سونے کی قیمت 2314 روپے کمی کے ساتھ 203450 رہی۔
اس کے علاوہ فی تولہ چاندی کی قیمت 2773 جبکہ دس گرام چاندی کی قیمت 2377 روپے رہی۔
واضح رہے کہ گزشتہ روز پاکستانی گولڈ مارکیٹ میں سونے کی قیمت میں غیرمعمولی اضافہ ریکارڈ کیا گیا تھا جب فی تولہ کی قیمت تقریبا 10 ہزار روپے بڑھی تھی, جو کہ ملکی تاریخ کی بلد ترین قیمت تھی۔
