پاکستان میں اگلے ماہ ستمبر میں عوام کو اکٹھی 3چھٹیوں کا موقع ملنے کا قوی امکان ہے، جس سے سرکاری اداروں کے ملازمین اور دیگر طبقے طویل ویک اینڈ سے لطف اندوز ہو سکیں گے۔
ربیع الاول کا چاند اور جشنِ ولادت رسول ﷺ
پاکستان اسپیس اینڈ اپر ایٹموسفیرک ریسرچ کمیشن (سپارکو) کی پیشگوئی کے مطابق ربیع الاول کا چاند 24 اگست بروز ہفتہ نظر آنے کا امکان ہے۔ نیا چاند 23 اگست کو صبح 11 بج کر 6 منٹ پر پیدا ہوگا، جبکہ 24 اگست کی شام تک اس کی عمر 32 گھنٹے سے زائد ہو جائے گی، جس سے رویت کے امکانات روشن ہیں۔
اس حساب سے ربیع الاول کی پہلی تاریخ 25 اگست بروز اتوار کو ہوگی، جبکہ 12 ربیع الاول، یعنی جشن ولادت رسول ﷺ، 5 ستمبر بروز جمعہ کو منایا جائے گا۔
یوم دفاع پاکستان
دلچسپ اتفاق یہ ہے کہ جشن ولادت رسول ﷺ کے اگلے ہی دن 6 ستمبر کو یوم دفاع پاکستان منایا جائے گا، جو وطن کے دفاع میں جانیں قربان کرنے والے شہداء کو خراج عقیدت پیش کرنے کا دن ہے۔
اگرچہ ماضی میں حکومت عام طور پر یوم دفاع پر سرکاری تعطیل کا اعلان نہیں کرتی، تاہم رواں برس بھارت کے خلاف کامیابی کے تناظر میں اس دن کو عام تعطیل قرار دیے جانے کے امکانات ہیں۔
اکٹھی تین چھٹیاں
یوم دفاع کے بعد اگلا دن یعنی 7 ستمبر بروز اتوار ہفتہ وار چھٹی ہوگی۔ اس طرح پاکستانی عوام کو 5، 6 اور 7 ستمبر کو اکٹھی 3چھٹیوں سے لطف اندوز ہونے کا موقع مل سکتا ہے۔
