روس نے یوکرین کے سب سے بڑے بحری جہاز سمفروپول کو سمندری ڈرون حملے میں تباہ کرنے کا دعویٰ کیا ہے۔
یہ واقعہ دریائے ڈینیوب کے ڈیلٹا میں پیش آیا جو یوکرین کے علاقے اودیسا میں واقع ہے۔
سمندری ڈرون کا پہلا کامیاب حملہ
روسی وزارتِ دفاع کے مطابق یہ پہلا موقع ہے کہ کسی یوکرینی بحری جہاز کو سمندری ڈرون کے ذریعے نشانہ بنایا گیا۔
This is not a Movie Scene 🚨🫡
I never saw anything like this 🔥Russia's kamikaze drone boat (Unmanned Boat), destroying the 'Ukrainian reconnaissance ship Simferopol' near the 'mouth of the Danube River', close to Crimea City.
Video 📷 #RussianOil #Russia #Ukraine #Putin pic.twitter.com/cX0KDloPqA
— Mayank (@mayankcdp) August 28, 2025
جہاز کو ’لاگونا کلاس‘ میں شمار کیا جاتا ہے جو ریڈیو، الیکٹرانک، ریڈار اور آپٹیکل جاسوسی کے لیے تیار کیا گیا تھا۔
ہلاکتیں اور زخمی
یوکرینی حکام نے تصدیق کی ہے کہ حملے کے نتیجے میں ایک اہلکار ہلاک اور متعدد زخمی ہوئے ہیں۔ یوکرینی بحریہ کے ترجمان کے مطابق، زیادہ تر عملہ محفوظ ہے جبکہ چند لاپتا ملاحوں کی تلاش جاری ہے۔
جہاز کی تفصیلات
سمفروپول 2019 میں لانچ کیا گیا اور 2021 میں باضابطہ طور پر یوکرینی بحریہ میں شامل ہوا۔
یہ بھی پڑھیں:دنیا بھر میں مقبول روسی کارٹون ’ماشا اینڈ دی بیئر‘ یوکرین کی برہمی کا باعث کیوں بنا؟
اطلاعات کے مطابق، یہ 2014 کے بعد یوکرین کی جانب سے بنایا گیا سب سے بڑا بحری جہاز تھا۔
روس کی ڈرون تیاری میں تیزی
رپورٹس کے مطابق روس نے حالیہ مہینوں میں سمندری ڈرون اور دیگر بغیر پائلٹ کے نظاموں کی پیداوار تیز کر دی ہے جو یوکرین جنگ میں بڑھتی ہوئی اہمیت اختیار کر چکے ہیں۔
کیف پر میزائل حملہ
اسی دوران یوکرینی سیاست دان ایگور زنکیوچ نے دعویٰ کیا ہے کہ روس نے جمعرات کی شب کیف میں ڈرون تیار کرنے کی ایک بڑی فیکٹری پر 2 میزائل حملے کیے۔
ان کے مطابق یہ سہولت ترک ساختہ بایراکتار ڈرونز کی تیاری کے لیے استعمال ہو رہی تھی۔
